انا قريت كل الحكي و موافق علية تماما
اول ما دخلت على الموقع و شفت حوار الاديان قلت هاد فعلا شي راقي و رائع انوا يتم حوار هادف
بس للأسف الحوار متل مانقال حوار طرشان و الأهم من كل هاد
انو غير هادف يعني بصراحة الحوار المفروض يكون لايضاح امور و الاستفهام على امور بتخص المعتقدات و التصرفات
مو كل واحد نازل سب بالتاني و كل واحد عم يكفر التاني
يعني كان الي كتير تعليقات على كل الاطراف المتحاورة و للاسف ما حطيتها ولا شاركت فيها ولا رح شارك قبل ما يصير الحوار هادف
و بالفعل يكون حوار مو حرب .
انا ماني رايد احكي كتير على امل انوا متل ماقال عرابنا
اقتباس:
|
الموضوع إنشالله رح ينحل بهالكام يوم..... بس في شوية ضغط ...
|
يعني بصراحة طريقة الحوار ( بحوار الاديان ) ما كنت متخيل نهائيا انوا تصير بهالشكل بسوريا
علما انوا العالم كلة بيعرف طريقة التعايش السمحة بين كل الطوائف بسوريا
على مر الزمان كلنا كلياتنا ايد وحدة و عايشين بروح وحدة عم توحدنا كلنا و هي الاخوة
و كمان وحدة الدعوة بين الديانتين اللي بتدعوا لعبادة الرب بغض النظر عن الطريقة
على فكرة أنا مسلم بس انا عايش بمطقة كلها مسيحيين و أرمن و عندي أخوة و أصدقاء ما بفرط فيهن بحياتي و الحمد لله كلياتنا متفاهمين ( صح انوا لكل واحد معتقداتة بس بالنهاية هو عم يعبد نفس الرب اللي انا عم اعبده بغض النظر عن الطريقة لانوا بالاصل هاد مو شغلي كل واحد يصطفل بينه و بين ربة انا شو دخلني المهم انوا هالشخص بالنسبة الي أخ بحترمة و بيحترمني )