أنا مع باترفلاي صوتت أنها مقبولة
أخي النوخذة, قصيدتك فيها شعور قوي,وفكرتها واضحة, بس المشكلة " من وجهة نظري " انو القصيدة غير موزونة مع أنو محاولتك لوزنها واضحة.
ها الشي بيقتل تسلسل الشعور وتصاعدو عند القارئ , الوزن هو اللي بيعطي الايقاع للقافية و بيحفز القارئ على المتابعة.
انا ما عم قول انو لازم تكتب دايما قصائد موزونة ( عمودية أو تفعيلة ) اذا انت بترتاح من غير وزن فالأفضل تحول قصيدتك لخاطرة او تكتب بدون وزن مطلقا ها الشي بيستتبع انو ما تستخدم قوافي, هاد النمط الحديث جدا بكتابة الشعر
أما اذا حاسس انو فيك تعطي شي حلو بالقصائد الموزونة " و أنا شخصيا بعتقد ها الشي " بنصحك تتعب على حالك شوي بموضوع الاوزان , القصة ما بدها دراسة, بس حاول تقرا اكتر شعر موزون,
انا لما كنت اكتب, كنت حاول قدر استطاعتي انو يكون الوزن صحيح, لانو حرف زايد أو ناقص بيقطع تسلسل و انسيابية القصيدة, ما بقول انو دايما كانت قصائدي مضبوطة , بس كنت حاول جهدي انو تكون,بغض النظر اذا كانت عمودية او تفعيلة
كل ما قدرت تمتلك الشعر العمودي زادت قدرتك على الابداع بالتفعيلة
على كل هاد الحكي بيضل رأيي الشخصي
يعطيك العافية و يا ريت تستمر بالكتابة هون
مية خسة
يا عبد متى رأيتني في الضدين رؤية واحدة, اصطفيتك لنفسي.