[حالة حب]

كاتب النص الأصلي : Purple Rose

يعني انا بقراه للموضوع وبستغرب صراحة من ردود كتير ناس
طيب شو عرفكم انو الشعب العراقي بيستحق يلي صار فيه
اصلا مين انتو لتحكمو ع شعب انت ما بتعرفو ولا عشتو معاناتو
ال شو بيستاهلو .. والله شي بفرط من الضحك
طيب ازا جد خونة
يتحاكمو محاكمة عادلة
مش تتقطع روسهم و تنعمل فيهم المجازر
طيب الاطفال يلي قتلهم صدام شو دخلهم
بدكن تحكولي الاطفال كمان خونة
بغض النظر عن الجهة يلي اعدمت صدام او طريقة الاعدام
هو ظالم وهاد جزاءو
يعني انا الي اهل بالعراق و الله بعصر صدام كانو عايشين بفقر
يعني شو هالبلد النفطي يلي فيها الواحد ما بيقدر يشتري خبز لياكلو
لك عمي نحنا مش العراقيين لنحدد ازا صدام بيستاهل يموت او لا
و مش نحنا يلي بيرجع النا امر تقديسو و تعظيمو او امر سبو
بس والله لما انعدم هالزلمة العراقيين ارتاحو وانبسطو
مو هلأ بدكن بوش يموت
اي صدام ما كان اقل من بوش بشي
بس صدام يا عمي كان بيعمل كلشي ع المخفي
يعني معظم المجازر ما طلعت و انكشف امرها الا بعد موتو
كلمة وحدة
ظالم و نال جزاءو
و الله بيحاسب عبيدو..

طيب انتي جاوبيني
بعصر صدام الله يرحمو ويسكنو فسيح جناتو يا حئ
كنتي تشوفي المجازر يلي عم تصير هلا بين اهل العراق نفسو
مو شايفه انو العراقين هلا عم يقتلو بعضون
بقصد السنه والشيعه