غالبا المخابرات الأمريكية عن طريق أحد الجماعات الاسلامية المؤتمرة بأمرها بشكل مباشر أو غير مباشر. و القصد الابقاء بشكل قوي على الجنرال مشرّف يللي هو جزء من خطة أمريكية كبرى ( و هالخطة مانها نظرية مؤامرة أبدا... انما واضحة جدا, و المتابع لمشاكل المنطقة خلال العشر سنين الأخيرة شايف هالمر بشكل جيد).
مختصر الحكي: أمريكا حاطة عينها على آسيا الوسطى بتروليا, و من ضمن خطتها انو ينعمل خط بترولي ضخم من له عدة فروع و تلتقي هالفروع بأفغانستان في خط واحد يمر بباكستان و حتى المحيط الهندي... الخطة كبيرة و فيها مليارات ضخمة جدا على شكل استثمارات و مش من الممكن اللعب بها, لهالسبب احتّلوا افغانستان (يعني هلأ تذكرو انو طالبان غير ديمقراطية؟؟؟ ما هنن دعموها) و حطو رئيس واحد كان وكيل شركة بترولية أمريكية,و قبل هالحكي بسنة وصل مشرف الى السلطة بباكستان...
بناظير بوتو كسياسية أظن انها تحت العادي, و فوقها فاسدة و زوجها (مستر 10%اسمو بباكستان) فاسد على أكتر منها, المشكلة انها تحظى بشعبية كبرى أنها بنت ذو الفقار علي بوتو, فقط (متل آل الجميّل بلبنان عايشين على ذكرى بيير الجميل و بشير الجميل) و بهالانتخابات كان ممكن تجيب نتيجة تؤدي الى اضعاف الجنرال مشرف, لذلك ممكن يكون صار هالحكي..... هاد رأيي الشخصي طبعا كمتفرج
مين ما كان اللي عملها.... جريمة كبرى و تستحق العقاب
تحية
