اقتباس:
كاتب النص الأصلي : yass
هون جينا على نقطة مهمة جدا...
ما عندي شك انو أقوال "متل النظام في خطر" أو "النظام ينهار" حكي فاضي و مليون فاضي. النظام السوري الحالي بأوج قوته و ثباته, و على القل على المدى المنظور مافي شي يقدر يهزو هزة معتبرة....
النظام قوي, و بيعرف حالو قوي لذلك ما أفهم انو مثلا ممكن جهاز مخابرات أو حتى دورية مخابرات تشغل حالها باعتقال مجموعة شباب على حكي انترنت, انو انو تنحجب مواقع, انو هالاعتقالات الخيرة.... اذا انت قوي و تعرف حالك قوي ليش هالبطش؟
|
صحيح انو النظام قوي وما في اي تهديد الو على الصعيد الخارجي بس صدقني هو جبان لاقصى حد لانو ببساطة هدول الناس اللي اجوا على ضهر الدبابة عرفانين حالن انن حرامية وسارقين شي ما بيخصن مشان هيك بتلاقين مرعوبين من تعليق بيكتبو شب على الانترنت او حتى بيان بيوقع علي كم مثقف وحجتن انو لو سمحو لفلان يحكي وعلتان يعلق معناها ضاعت الطاسة وما بقى يقدروا يضبطوا البلد