[secular]

كاتب النص الأصلي : خيالات واوهام

بصراحة أنا بعرف كتير عن تاريخ سوريا وبعرف أنو الإقطاعيين ظلموا وتسلطوا على الفلاحين واستغلوهم ابشع أستغلال وكان معظمون من المسلمين السنة في حين كان الكثير من المضطهدين من الطائفة العلية وخصوصاً بحماه وحمص واللاذقية بس هادا ما بفسر ليش معظم المخابرات من طائفة واحدة.

برجع بقول انا غير مسلم وغير طائفي وعلماني بس هالشي ما بيمنع انو بس شوف شي طائفي قول انو في طائفية لآنو الشمس ما بتتخبى غربال. وبرجع بأكد على حبي وافتخاري بالرجال الشرفاء من هذه الطائفة وتحية خاصة لعارف دليلة المحبوس بس لآنو طالب بشفافية اقتصادية فلم يرق الموضوع للصوص وحبسوه.

مشان موضوع البعثات العلمية بقدر أفهم انو طائفة تمثل 15% من عدد السكان لتفوقها العلمي بتحصل على 20 - 25% من البعثات العلمية بس أنو 95% لأنو متفوقين هادا حكي مو منطقي كل الطوائف فيهون متفوقين بس للأسف قلة مدعومين من جهات أمنية.

برجع لموضوع المذيعات بالتلفزيون حدا فايق ورايق يكتبلنا هون اسماء المذيعات بس ليقلع عين بليس.

انا اول واحد بطالب الغاء الطائفية بشكل كامل وليكن دائماً التقييم حسب الكفاءة وانا مستعد انتخب أي رئيس ومن أي طائفة يصير في انتخابات حرة وأنا أول واحد بقول نعم لعارف دليلة بروفيسور وحامل شهادة دكتوراه وعميد كلية سابق وخبير اقتصادي ويحب وطنه بإخلاص ونظيف الكف.

ما كتبه الزميل غير المسلم وغير الطائفي والعلماني - كلام جميل و مترفع عن اللوم و مع ذلك أنا أدعو كل البعثات العلمية و الموظفين و الضباط الامنيين و غير الأمنيين و كل مكان من التلفزيون إلى المخابرات التي يجب أن تكون من أجل الوطن لا لحماية النظام - يجب أن تكون من كل المناطق و كل الطوائف و اكل المذاهب و كل المشارب مع التشدد ضد المتطرفين و المتعصبين الانتهازيين ..كي لا تتحول سوريا مثل لبنان كل وزارها و إلها جمالها المذهبي ..