[cuty]

عسيرة انو كشرين

الشعب الأردني شعب كشر ….

هذه حقيقة لن ننكرها … وان أنكرناها نحن فلن نستطيع تغيير هذه السمعة الملتصقة بنا

الكشرة هي من أهم مميزات الرجل الأردني ….
شماغ ، عقال ، شوراب بيوقف عليها الصقر ( وفي أقوال أخرى بتربط جحش) ،
بالإضافة إلى كشره معتبرة .. وبوز طوله شبر .
هذا هو الرجل الأردني .

في الصباح .. حاول تتأمل وجوه البشر …. إذا شفت ابتسامه وحده تعال راجعني .
اللي ماشي وبوزه زي العمى… واللي بحكي مع حاله …
واذا تجرأت ونظرت الى احدهم نظرة ما ….. انت وحظك …

اذا كان شوفير تاكسي بنزلك بالشبشب أبو أصبع " خير عهالصبح .. بكفينيش الدوريات مجننين اختي"
اذا كان سلطي " مالك بتجح بخلقتي … شو بدك " وايده بترجف على راس القنوه (شو يعني قنوة؟)
اذا كان زرقاوي(احلى تحية لل blue city) سلخك موس من الدان للدان بدون ما يحكي معك حتى . ليش تتطلع فيه !!!
اذا كان كونترول باص بيظل يطل عليك والشرر بقدح من عينه لحد ما تشيل عيونك عنه
وأول بنت بتطلع .. بختارك انت من بين كل الركاب عشان يقعدها محلك.

واذا كان عبدوني أو من جماعة الكورن فليكس ....((شو رئيك بشعري؟ حلو هيك لاكون عجبتك بس))

مرات بيكون جماعة قاعدين .... بيضحكو وبينكتو .... ومحششين ... فجأه واحد منهم بحكي
" يا جماعه خلص ... الله يكيفنا من شر الضحك ... الله يسترنا من هالليله"
كانه الضحك شر .. أو مصيبه رايحه تصير من وراه .

كل واحد ابتسم ... يالله عالسريع يبوز .... لازم نضل محافظين على سمعتنا الكشوريه ....






و عقولة المثل:-


صرصور باللبن قاعد وبيقول يع لبن بايت