[خيالات واوهام]

كاتب النص الأصلي : بنفسجة

بصراحة انا ولا مرة فكرت بطريقة طائفية الا لما دخلت اخوية وحسيت انو فيها كتير من ما يحرض ولو عن غير قصد على الاشياء الطائفية هيدا الموضوع رجعني لايام العثمانيين والخوان المجرمين يعني الواحد منكون مافكر شو الظروف يلي خلت كل المخابرات فقط من الطائفة العلوية حدا منكون يرجع للتاريخ ويعرف ظروف التحاق عدد كبير من هذه الطائفة بجهاز المخابرات يمكن بتلاقو مبرر لهيدا الشي
وياريت من يلي عم يحكي انو العلويين مسيطيرين على مفاصل الدولة وانو البعثات العلمية خالصة بالعلويين يدور ويصحح معلوماتو كتير منيح
وجود ناس على درجة عالية من الثقافة والعلم هو فخر للطائفة العلوية ولازم يلي عم يعترض على البعثات الون انو شوي يتعب على حالو ليوصل ليلي وصلو الو معروف انو طرطوس من اكثر مناطق القطر نسبة في التعليم والثقافة فياريت لاتجحفوهون حقون لمجرد انهم اقلية في دولة لاطائفية انما يطغى عليها لون طائفي باكثرية

بصراحة أنا بعرف كتير عن تاريخ سوريا وبعرف أنو الإقطاعيين ظلموا وتسلطوا على الفلاحين واستغلوهم ابشع أستغلال وكان معظمون من المسلمين السنة في حين كان الكثير من المضطهدين من الطائفة العلية وخصوصاً بحماه وحمص واللاذقية بس هادا ما بفسر ليش معظم المخابرات من طائفة واحدة.

برجع بقول انا غير مسلم وغير طائفي وعلماني بس هالشي ما بيمنع انو بس شوف شي طائفي قول انو في طائفية لآنو الشمس ما بتتخبى غربال. وبرجع بأكد على حبي وافتخاري بالرجال الشرفاء من هذه الطائفة وتحية خاصة لعارف دليلة المحبوس بس لآنو طالب بشفافية اقتصادية فلم يرق الموضوع للصوص وحبسوه.

مشان موضوع البعثات العلمية بقدر أفهم انو طائفة تمثل 15% من عدد السكان لتفوقها العلمي بتحصل على 20 - 25% من البعثات العلمية بس أنو 95% لأنو متفوقين هادا حكي مو منطقي كل الطوائف فيهون متفوقين بس للأسف قلة مدعومين من جهات أمنية.

برجع لموضوع المذيعات بالتلفزيون حدا فايق ورايق يكتبلنا هون اسماء المذيعات بس ليقلع عين بليس.

انا اول واحد بطالب الغاء الطائفية بشكل كامل وليكن دائماً التقييم حسب الكفاءة وانا مستعد انتخب أي رئيس ومن أي طائفة يصير في انتخابات حرة وأنا أول واحد بقول نعم لعارف دليلة بروفيسور وحامل شهادة دكتوراه وعميد كلية سابق وخبير اقتصادي ويحب وطنه بإخلاص ونظيف الكف.