[محمد ابراهيم]

كاتب النص الأصلي : Willi

يعني اكيد صايرة, بس مو هاد المغزى, المغزى كان انو شو نسبتا. قليلة كتير كتير, يعني شي لا يذكر.

يازلمة بدك تسال وتستلم جواب ولابدك تسال ولما اجاوب تبرر وترواغ ؟!!!
سئلت ايمتى سمعت , جاوبت.
بعرف انو قليل هالحوادث (الحمد لله نظرا لحرص مجتمعاتنا الشرقية واعتنائها باولادها)
على عكس مجتمعات الغرب (الجنس شغال فيها باستمرار بين مراحل عمرية صغيرة جدا (ما متخيل كيف اطفال وفق ظروف عصرنا الحالي يفوتو بعلاقات جنسية , حتى ان كانت مشروعة هننى لسا صغار وفق مفاهميم وطروف عصرنا .
انا بعرف انو كل عصر والو ظروف مختلفة , حتى باميركا كان في ولايات باميركا بتسمح بزواج البنات من بعد سن 12 هاد كان موجود لحد فترة قريبة باميركا .

هون اختلافنا معلم. انا بشوفها من ناحية انو ايجابياتها اكتر من بكتير من سلبياتها.
انت عم تشوفها من ناحية, انو في جلدة بين رجلين المرا, مااااا لازم تنفتق!

شو هالحكي !!!!!! نظرتك للمراة واضحة من حكيك .
انا مابفكر بهالطريقة مطلقا ومابشوف تمييز للرجل عن المراة .
التنين لازم يحافظ عليون المجتمع (التنين)
أما كون انو العالم معتقدة انو البنت ضعيفة ولشاب قوي لهالسبب لازم نحميها ونترك الشاب يعتمد عحالو فهاد غلط ,,
هاي مرحلة عمرية خطرة ولازم المجتمع يحافظ على مناخ وبيئة سليمة منشان يخرج النا شباب وصبايا اسوياء .

يعني انا بشوفها من ناحية, انو كتير مهم بهالمرحلة من العمر الشب والبنت يعرفو يتعاملو مع بعض, لانو هالشي رح ينعكس بطريقة منيحة على حياتهون بالمجتمع.
يعني كتير مهم انو الشب يعرف انو هالبنت انسان متلا متلو. بدال ما يقعد اذا شافا بالشارع تشط ريالتو و شي يتحركش وشي يطلش وغيرو وغيراتو.
هاد عدا عن انو اذا عرف الشب انو الاختلاط مو بالضرورة يكون معناتو جنسي, بتخف حيونة جرائم الشرف. والضرب للبنت اذا مشيت مع شب. وبتخف عقد المجتمع من هالموضوع.

صدقا انا ما عم شوف معنى لمنع الاختلاط بهالمراحل. ما عم شفلو اساس!
او بالاحرى ما عم شفلا فائدة.
مستحيل
مستحيل
مستحيل
انك تقدر تفصل بين الجنسين بهالعمر!! وين بدك تفصل؟؟ بالمدرسة؟؟
ما اصلا هاد اكتر مكان امن ليختلطو فيه.
اللهم الا اذا كنت بدك تجيب البنت وتقعدا بالبيت وتقفل عليها الباب وما تخليا لا تتحرك ولا تتحلفظ. بهيك حالا, بحياتا ما رح تنضج ولا رح تصير تفهم, ولا الشب رح يصير بني ادم!

هاي وجهة نظرخاصة فيك وما الي دخل فيها
رئيي وضحتو فوق
وهالموضوع يبرجعنا لموضوع ناقشنا فيه من سنتين هون باخوية (مابعرف اذا رئيي اختلف كتير عن اللي كتبتو هلاء لانو الانسان مع التجارب والظروف والمتغيرات بيتغير بس اتمنى انو يكون تغير ايجابي (اذا كان في تغير )
رح بحبش شوي ورح احط الرابط هون