اقتباس:
كاتب النص الأصلي : phoenixbird
ريثما يقرر العزيز فارس الانضمام للاستديو استعرض مجموعة من الصور 
بداية اشكر المصور امجد ايوبي
فارس : الكل مستقيم وواحد اعوج لكن هالاعوج مشوه وش الصورة كلها
قديه هالقصة منطبقة على واقعنا
وكيف بتشوف الصورة انت؟ |
بداية أشكر أنا كمان المصور أمجد أيوبي
أنا رح أحكي ع الصورة بشكل عام بعدين رح أحكي على فكرتك يلي طرحتها من خلال الصورة..
الصورة حلوة، والحلو فيها هو هالخط الأعوج.. يعني لو كان كلشي مستقيم بحس أنو فيها شي غلط، أو بالأحرى فيها شيء مصطنع.. بعدين شوف كيف الاعوجاج عطاك من فوق مساحة أكبر تشوف من خلالها السما وتطل ع المنظر يلي وراء القضبان..
أما بالنسبة لواقعنا.... هممممم ..... هادا هو الواقع، يعني في مستقيم وفي أعوج... بس أنو واحد أعوج بينزع كل هالاستقامة، ما بعتقد، أنا بشوف العكس... واحد مستقيم وسط غابة من الاعوجاج، قادر مع تراكم الوقت والخبرة أنو يخلي شي تنين تلاتة من حواليه يستقيمو، وهكذا .....