[أبو قمحة]

شو ما بدك تعرف عن هاللعبة اسألني زعيييييييييم.... أنا بحبها أكثر ما بحب صاحبتي!!... بشرفكون ما حدا يقللا!!

المهم يا صاحبي... اللعبة هي بتتكون من قرصين دي في دي... يعني كبير كثير... وبتنزل كلها على الهارد ديسك... يعني بعد ما تنزلها ما في داعي للديسكات.

النسخة المنسوخة (يعني المزورة - البايوريتيد) يلي موجودة بالأسواق شغالة على معظم أجهزة الكومبيوتر.

بس في مشكلة بهاللعبة إنها أحياناً كثير ما بتكون متوافقة مع بعض أجهزة التجميع... وخاصة الأجهزة يلي عندها قدرات عالية كثير مثل كروت الجرافيك الجي فورس ATX أو الكروس فاير أو من هالأنواع.
منشان هيك شركة مايكروسوفت حاططة على موقعها كثير ملفات تعديل "باتش". وهالملفات بتعمل التعديل على اللعبة حسب مواصفات الكومبيوتر يلي نازلة عليه. وهيك اللعبة بتشتغل بأروع مواصفات ممكنة حسب قدرات الكومبيوتر تبعلك.
بس المشكلة إنو إذا بدك تشغل اللغبة بأفضل مواصفات ممكنة وبدك تنزل الباتشات لازم يكون عندك نسخة أصلية!!

أنا مثلاً كان عندي نسخة كوبي جبتها معي من سوريا. وبعدين لما فاتت اللعبة بالحيط بعد ما اشتريت كومبيوتر صاروخي اضطريت اني اشتري النسخة الأصلية على شان اقدر استفيد من دعم مايكروسوفت. كلفتي أخت الشر** مبلغ 200 درهم إماراتي (حوالي 2600 ليرة).

أنا صرت مدمن على هاللعبة بالرغم من كونها مملة عند كثير ناس لأنها واقعية. بس أنا زلمة عقلي طاير بالطيران منشان هيك ما فيي بلاها.

شاو