(سكران في حانة يديرها ابو اغوب)
الزمن الزمن في سكة القرارات
بتقسى ليه يا زمن طب محنا كنا صحاب تيراريرارم تيرا رم
لك حدا بيشرب الصبح ...... نهار ...... ما في هون غيري انا والاخ ..... (يرفع يده ليحيي الاخ )
وهاي ابو اغوب ..... بصحتك بارون ......
ابو اغوب: انا ما بشرب .... هاي وقت شغل
والله بتفهم يا ابو اغوب بصحتك بارون.... (يلتفت الى الشخص الجالس )صحة صحة
بدي اسالك سؤال للي ما بعرف اسمك عدم المؤاخزة ها.. يعني.. لحظة
يعني هلأ الله لما خلق الصاحب خلقو مشان يغدر بصاحبو .... بشك ...
يعني يطلع واحد صاحب هيكي ندل وجبان اوكي بتصير .... بتصير
يا سيدي في اسوء الاحوال تنين ....
بس تلاتة ..... تلاتة صحاب يتفقو عليك ويشلحوك اواعيك .....
ما عم اقصد اواعيي هدول ....فهام عليي ..... يعني يشلحوك اللي فوقك واللي تحتك.....
سماع ....... بتعرف شو اللي فوقي واللي تحتي كان مليونين وتلاتمية الف ...... متل ما عم قلك .......ابو اغوب فهام
هدول اللي طلعولي من ابي الله يرحمو ...... المشكلة وين انو اخي عاداني لانو طلب يتدين مني نصن مشان يكمل مشروعو فما وافقت قام حلف بالطلاق انو ما بيعرفني وما بيتعرف عليي ........ اخي انا شو دخلني بمشروعو أا يعمل مشروع على قد مصرياتو ..... مزبوط ولا مو مزبوط ؟
الحاصلو .......
من بعد ما اكلوني لحم ..... اي ...... ورموني عضم ..... بارون .....ندمت ..... قلت يا ريتني مدينو نص الورثة كان وفاني ولقيناهن قدامنا للمصريات بس بهالحالة طارو المصاري وطار اخي معاهن فسسسسسسسسسسس فس فس ......
بس انا ما رح طير شو انا عصفور ......فهام عليي ...... انا رح ضل متعربش بالحيطان عندي بيت بدي بيعو .....بارون فهام عليي ..........
بدي ابدا مشروع من اول وجديد .......ولا تزعل مني ...... بدي اشتغل لحالي لا اصدقاء .....عدم المؤاخزة ولا تزعل مني ........ لا اصدقاء ولا صحاب ولا حدا ........ لحالي
العب وحدك تطلع راضي
تطلع راضي العب وحدك تيراتيرا رم
العب وحدك تطلع راضي
تطلع راضي ....................................
انا بحبك وانتي بتحبيني وفخار يطبش بعضو
بحموشك انا بحموشك
|