اقتباس:
كاتب النص الأصلي : Syrian__Angel
بداية ً ... يا ريت لو تبقى الردود ضمن حدود النقاش الموضوعي .. وبعيدة عن اتــّهام الطرف التاني بالرجعية والتخلف ..
انا ما عم بتهم حدا
بنجي للموضوع ..
برأيي ما فيك تعمــّم نمط معيـّن و تقول عنــّو خلص هاد هو الصح ، وهيك لازم يكون الوضع ...
وتقول عن النمط التاني انــّو غلط ، لمجرّد انــّو بمفاهيمك او معتقداتك بتظنّ هالشي ..
لانّــو بالنهاية وقت اللي بدّك تنظر لقضيـّة ما ، بدّك تتطلّع عالبيئة المحيطة وظروفا وعاداتا اللي فرضت هالشي ..
والبيئة المحيطة والعادات والتقاليد من 1400 سنة لليوم فرضت هالشي انو لا للاختلاط واللي بدا تطلع تطلع بغطاء كامل ما بيبن منها شي
كـ مثال ، انا ربيت بمدارس بتفصل بين الجنسين .. بس ما حسّيت خلال هالسنين بـ " الرهبة " من الآخر .. او غيرا من الامور اللي انذكرت ..
يمكن هالشي بيرجع لانــّو الفصل كان مقتصر عالمدرسة بس ، امــّا بالحياة العمليــّة فـ كل شي عادي ..
على عكس كتير من اهل البلد ، اللي عندون الفصل بيمتدّ للعيلة حتى ، بمنع الاختلاط مع اولاد العم والخال وغيرون .. بس كمان - لنبقى حقــّانيين - ، بتضلّ هالشغلة نسبيــّة ، وبتختلف من عيلة للتانية ، ومن مدينة للتانية ...
هلأ اللي عنجد يمكن يحسّ بالارتباك او الخوف هنن اللي بيدخلو ع جوّ الاختلاط بالجامعة او بالشغل بعد عزلة
مدري كم سنة .. فـيمكن بأوّل فترة يكون " جاية من عالم تاني " ، او انعزالي شوي .. بس بعدين بيتعوّد ... ويمكن سرعة اندماجو مع هالجوّ بتعتمد عليه بالمقام الاوّل و على مدى تقبــّلو للفكرة ..
المهم مو هاد موضوعنا بكل الاحوال...
اي ...
التعليق اللي خطرلي وانا عم اقرأ الموضوع هو كالتالي :
بمجتمعات محافظة بتمنع الاختلاط ، وبما انــّك صعب تغيّر تفكير الاهل نحو هالقصــّة .. رح يبقو الاهل امام حلّين ..
يا امــّا بدّون يكسرو ع انفون بصلة ويبعتو اولادون للمدارس المختلطة على الرغم من عدم موافقتون ع الفكرة .. ( وهالشي احتمالو ضعيف ) .. لانــّو شغلة ما موافق عليها ، صعب تتقبّل انو تبعت اولادك ع هالمكان ، اللي المفترض يكون " آمن " برأيك ..
او ( وهاد المتوقّع برأيي ) .. رح يقلولك وبلا التعليم والمدارس - بالذات للاناث - .. لانو بيبقى المجتمع اللي عايشين فيه ذكوري والشب اولى بالتعليم في حالة - كان ولابدّ - للاختلاط انــّو يتواجد ..
وبهالحالة بنكون بدل ما نكحــّلا ، عميناها ...
|
الافضل فعلا بلا تعليم البنات والافضل متل ما قال القران (( وقرن في بيوتكن )) العمل لللرجال مش للنساء لحتى يختلطوا