[COSTA]

كاتب النص الأصلي : كهربجي

إي معلم بدك تسمحلنا بهي هالمرة, أنا ما جبتها كشي إلو علاقة بالحكومة مباشرة.. أنا جبتها كمثال عن أنو لازم نعرف لوين رايحين بالأرقام والإحصائيات اللي مشكلة الحكومة أنو ما عم تفرجيها للشعب, لازم ينسمح لكل الناس تحكي بهاد الموضوع على المكشوف بدون ما يخافوا من الفاسدين و"صحابهون", ليش الحكومة ما بتشتغل بطريقة واضحة؟ وين الدراسات اللي بتدل على أنو اقتصاد السوق ناجع؟؟ شو القصة؟؟؟

أكيد المشكلة فينا, بس هاد مو معناه أنو اقتصاد السوق هو الحل.. لأنو لا عنا صناعات ثقيلة وقوية ولا من يحزنون... لك صناعة سينما ما ضل عنا.. صفي المسكة والبسكويت والمعكرونة..

اي بالاساس نحنا بلدنا مانو صناعي
فعلى انو اساس بدون يكون في صناعة ..... وثقيلة كمان .....
سوريا من الدول الزراعية والتجارية

لهيك كنت معترض على الموضوع, لأنو مو شاطرين غير بأنو يابا تعوا استثمروا.. طيب شو نوعية الاستثمارات؟ يمكن 90% منها فنادق ومطاعم وشركات خدمية.. مافي صناعات ولا زراعة ولا أي من الإستثمارات اللي لازم تدعم اقتصاد البلد, هاد الفرق بين المستثمر السوري برا والأجنبي بسوريا, السوري بس بدو يستثمر بشي مفيد للبلد ربحو طبيعي وكمان بدو يدفع للسوريين اللي بيشاركوه على المصاري والربح بأسلوب مافيا معروف للكل صار.. إي ما رح توفي معو وبيروح بيفتح معمل بالصين..

بينما الأجنبي أو السوري اللي بدو يعمل شي سريع الربح ودائماً غير مفيد للإقتصاد الوطني بيكون معو يدفع للكل, متل شركات الإتصالات والفيلل تبع الإماراتية.. طيب شو وصل للمواطن السوري من هاد؟؟

يا اخي ما في اعتراض على الاستثمار الاجنبي
بس الاستثمار يكون لمصلحة البلد اولا
كتير من الدول النامية عندها استثمارت اجنبية بس القليل يللي قدرت تستغل هالشي لصالح البلد و شعبها