[شب الكوبة]

التنوع أو الطائفية في الو ايجابيات والو سلبيات يعني سلاح ذو حدين

و باعتبارو شي واقع و موجود و عايش معنا من زمان طويل جدا ..لازم نعرف نستفيد منو لمصلحتنا

وهيدا بيرتب ع كل واحد منا يشيل الدين او الطائفة او العرق من اعتباراتو بس بدو يتعامل مع اي شخص من بلدو

يعني متل لوحة الفسيفساء بتطلع اية من الجمال بس تكون القطع متجمعة مع بعض ..في حين ما حدا الو نفس يطلع فيها اذا كانت كل قطعة وكل لون لحالو

و ماننسى انو "الاختلاف رحمة "

لهيك لازم نتعلم من أخطاء غيرنا متل لبنان والعراق .. وما نسمح لحالنا نصير متلن ..بالعكس لازم نكون قدوة الن بالعيش المشترك واحترام الاخر