[Syrian Gay]

رجاء أرسل هذا البريد الإلكتروني لكي نتأكد من أنك ما زلت تستعمل هذا الحساب. نسعى من خلال ذلك للكشف عن المستخدمين الحقيقيين 'للهوتميل'.

حكي فاضي ..

الأنظمة يللي بتستعملها شركات الايميلات هي اذكى من هيك ..
هني مانون بحاجة انو حدا يبعت رسائل للعالم بشان يتأكدوا إذا هالايميل عم يتم استخدامو من قبل شخص عادي وللا من قبل آلة او إذا كان هالايميل لساتو صاحبو عم يستخدمو وللا تاركو ..

بيقدروا يعرفوا إذا هالايميل عم يفوتلو مستخدمو عن طريق نظام معين مثلاً بيكشف إذا صاحبو عم يقرأ ايميلات يللي عم يصلولو وللا لا .. بلا الحاجة لأرسال رسالة معينة لـ 18 واحد .. بعدين بلكي هالشخص ماعندو 18 واحد بأيميلو ؟ شو بدو يساوي ؟

بعدين شو هالرسالة العجيبة هاي .. وكمان بالعربي مكتوبة قلتولي .. هممم
وكمان اسم مدير خدمات الهوتميل : هارون لوبيز ؟؟؟ طيب شو بيقربلها لجينيفر لوبيز ؟

والأحلى .. العالم يللي عم تصدق وتبعت ..
واجاني هالايميل من فترة من مهندس كومبيوتر بيشتغل بالإمارات بشركة بيع وشراء مشهورة ع النت .. وكمان كان باعتو لشي 25 شخص .. خايف زيادة الزلمة .. يعني حتى يللي بيفهمو بهل المواضيع عم يصدقو .. انو معقول ؟