اقتباس:
كاتب النص الأصلي : phoenixbird
بنفسجة انا عضو باتحاد الشبيبة ومتطوع بالهلال الاحمر من2003 يعني بعرف شو عم بيصير بكل وحدة منون
هلا يمكن باللادقية الحكي مظبوط بس صدقا بمحافظات تانية الحكي غير هيك عن الشبيبية بالهلال الاحمر انتي تعرفي شو صار وقت حرب تموز وقديش هلكنا وخاصة فرع دمشق وقت كنا نضل 24 ساعة على الحدود والقصف قدامنا
بس بمحلات تانية الوضع بيختلف
|
انا مش عم قلك انو العمل بهي المنظمات دائما على سوية مرتفعة بكل المحافظات بعرف انو في خلل بكتير من المحافظات هيدا انبع برايي عن قلة ثقة الشباب بقدراتون يعني برجع وبكرر بدون كل شي لعندون وعالبارد المستريح واذا جربو مرة وماعجبتون الفكرة ما بيعذبو حالون ويجربو مرة تانية
انت بمحافظة دمشق وانا بعرف كتير شباب من الشبيبة بفرع دمشق عندون ابداعات كتيرة ونشاطات رائعة
بتعرف شو هيدا بيتوقف علينا نحنا وعلى قدرتنا على الوقوف في وجه المصاعب يلي بتعترض سبيلنا
مثلا انا بالشبيبة في كتير وقفو ضدي وخاصة من الكبار بالعمر شوي من منطق الخوف على حالون من شباب بيشكلو كادر قيادي لكن هيدا ماخلاني اوقف ولا اتراجع وقول انا ماعجبني الشغل لحد هلا عم عاني الامرين وكتير بنلام على تصرفات باعتقادون هني انو بتادي لخلل بمكان معين
تحديث هالمنظمات ورفع مستواها بيعتمد علينا نحنا مش على جدي وستي
الشباب هني قوة التغيير واذا نحنا قعدنا ببيوتنا مين بدو يغير
طيب لاحكيلك شغلة
من اسبوع كان عنا ندوة فكرية اعلامية كان احد اعضاء قيادة فرع الحزب حاضر الندوة قمت انا وحكيت بموضوع حجب المواقع المعارضة وطلبت يوصل لوزارة الاتصالات اعتراضنا على حجب المواقع المعارضة كان ردو انو بعض المواقع عم تسيء وعم يتعاملو مع العدو ومن هالحكي فانا قاطعتو وقولتو مش من حقك تحكي وتعمم ومش من حقك تعطي هيدا الراي في شباب بعثيين قادرين يفكرو كتير منيح ويعرفو الصح من الخطا مش انت او غيرك يلي بدون يحددو الصح من الخطا
كتير انصقو للهجة يلي حكيت فيها لكن بالنهاية قلي كلامك مظبوط انا رح اطرح هالموضوع
ورجعت على بيتي وماحدا اجا صوبي لامخابرات ولا امن دولة
برجع واكد انو الشباب هني الاصل وهني يلي بيصنعو المنظمات وبيقووها مش العكس