الفكرة كتير حلوة.... خلتني أصفن كتير... في كتير شخصيات معجب فيها.. في كتير شخصيات بقابلها بحياتي اليومية، فهي بشكل أو بآخر أثرت فييي... في شخصيات أخرى التقيت معها للحظات، لدقائق، ورغم ذلك تركت بصمة في حياتي... لا مجال لسرد كل هالشخصيات، مشان ما تقولوا الزلمي مهزوز وكل من هب ودب بيأثر بشخصيتو
رح أذكر أنا بس شخصيتين، رغم أن هالشخصيتين ما التقيت فيهون بحياتي إلا أنني التقيت بآثارهم، وهالآثار كان إلها تأثير كبير بشخصيتي...
1- باولو كويلهو...
يعني في ناس بيجي كيفها بالكحول... في ناس بالحشيش... أنا هالكاتب كل ما اقرأ شي كتاب لإلو بوصل لشعور النشوى!! بيبحث بالعمق الإنساني، بالطاقات الرائعة ضمن الإنسان، عطاني كتير نظرة تفاؤلية وخلاني شوف شغلات ما كنت مفتح عيوني عليها...
ملاحظة: صحيح أنو كتبتلو كام إيميل، ورغم أنو ما رد غير على أول إيميلين إلا أنو ماني زعلان منو
