اولا يا اخي هيومان رايتس ووتش ما بصير تحكي بهالحكي يعني والله بعرف قديش مقهور ومعك وبعد كل اللي شايفينو من هالنظام لسا في ناس عم تدافع عنو بس رغم كل شي ما بصير تستخدم هيك الفاظ
اما السيد اش واللي اتحفنا بتعليقو
بالنسبه ألي لو الديمقرطيه بتعني انو الواحد يحكي بهل منطق و بهل الفاظ فما بدي ياها ...
و الرئيس صدقني لانو شايفك ولاشايف جماعتك كلها اذا هيك منطقكم ..
وعلى فكرة هو دايما بردد هالمنطق انو احكو اللي بدكن ياه الرئيس والنظام مو هامن فبحب قلو
طالما رئيسك المفدى مو هامو ليش عاملين فرع خاص للتجسس على الانترنت بسوريا ؟؟ ليش اذا واحد كتب تعليق بمنتدى بينمسك؟؟ الشباب اللي اعتقلوا من المنتدى شو عملوا يارفيق؟؟؟؟ كانوا بدن يقلبوا الحكم؟؟؟
كل شي عملوا كتبوا هيك كلمات بهالموقع
النظام تبعك بموت رعبة من الكلمة بتعرف ليش؟؟ لانو الكلمة الحرة هي بداية تحرر الانسان لما الواحد ببلش يحكي على الانترنت اللي بدو ياه معناها ببلش حاجز الخوف عندو ينكسر وهدا الحاجز ضل حافظ الاسد يربي فينا 30 سنة , واللي ببلش يتجرأ على النظام بالانترنت رح يخطرلو يتجرا علي بالشارع وبعدين رح يخطرلو يفكر يحتج على حقوقو المنهوبة من اكتر من 30 سنة
عارف دليلة سمعان في؟؟ انسجن رغم انو من طائفة النظام بس بسبب محاضرة القاها بس حسب فيها الهدر اللي عم تسببو سيارات المخابرات والجيش مو بهدف تحرير الجولان لاسمح الله وانما بهدف التشفيط
رياض سيف كسر المحظور لما قال ليش تاركين رامي مخلوف يسرقنا علنا ويحتكر شركة الموبايل؟؟؟ كلفتو هالكلمة 5 سنين سجن
نفس الشي عم يصير مع الكل كلن اعتقلوا بسبب الكلمة بس
|