[maroun]

[quote=yass;827876]

كاتب النص الأصلي : maroun

طبيعي هالكلام... طبعا النفوذ الأكبر لسوريا. ما بعرف اذا قصدك اللي بالنص الياس سركيس بس هاد ما غتالوه.. ما عم بنكر التدخل السوري الشديد بلبنان.. و هالتدخل كان بأحيان كثيرة يتم بتنسيق مع الولايات المتحدة.

بالنسبة لأمين. أمين سياسيا مش نافع, اسمو جميّل فقط, و لو في غيرو بهديك اللحظة كان حطوه .. و أمين وقع مع اسرائيل بعدين وعد سوريا بالتراجع عن الاتفاق مقابل اجراءات معينة . و سوريا حمت أمين الجميّل كما حمت بعدو ايلي حبيقة. و دليل أنو أمين مش نافع أنو ما قدر حتى انو جوز اختو فؤاد أبو ناضر يصير قائد القوات اللبنانية.. اجا سمير جعجع و ايلي حبيقة و خدعوه لأمين خدعة المبتدئ

ما عندي شك انو سورية اغتالت بشير... كل ما هنالك أنو أنا متأكد انو كان في غض نظر من قبل اسرائيل لأنو اعتبرت أنو بشير ورطها بلبنان مقابل لا شيء... يعني لو اسرائيل بدها تحميه كان حمتو بس بشير كان مخيب أملها من ناحية أنو رفض يكون دمية و ما شاف النتيجة. و اغتيال بشير جميّل كان نهاية مرحلة من الحرب بديت بعدها مرحلة جديدة و هي حرب الكتائب الداخلية و النزاعات بين ميليشيات الطرف الآخر بين بعضها

كلام جداً منطقي و فيه الكثير من الصحة و لكن لازالت كما تؤمن انت و أؤمن انا انه لا توجد حقيقة مطلقة. يعني كلامك صحيح و كلامي صحيح و انا اقول لك ايضاً انه فاشل سياسياً اي امين اما عن الياس فانا قصدي الياس الهراوي و لم اقل انه أغتيل انا قلت ان الرئساء اللي من طرف سوريا هم من بقيو احياء و فهمك كفاية. اما بالنسبة لبشير صدقني مع كل الاخطاء اللي ارتكبها بشير الا انه هو كان الخلاص للبنان لانه مشروعو كان واضح و محدد و يمكن ابتدأ بالأول متل مابيعتقد البعض بالبطش ألا انه هاد كان حال باقي الأفرقاء يعني الكل لم يقصر بيشي و عمل مافيه الكفاية فليس من العدل تحميل طرف المسؤلية على حساب طرف. و اسرائيل متل العادة حاولت الاستفادة من الوضع البناني لكن بشير رفض مثل ما قلت انا معلوماتي اته لم يعقد سو اتفاق شراء اسلحة فقط و هم حاولو ان يجروه لكن رفض و انت ذكرت الجملة الشهيرة. اما عن سبب دخول اسرائيل فهو ليس كما يراه البعض انما كان لسبب عدم اقتناعهم بان اللبنانيين سوف يضبتوهم يعني ماحدا عزمهم هم دخلو و بشير اول من رفض.