اقتباس:
كاتب النص الأصلي : Madmax
ما بصير يكون حركة مقاومة ...و بنفس الوقت يكون تحت تصرف الجيش
و قتها رح يصير قوات مسلحة نظامية ...و هاد رح يفقدو دناميكيتو ...و رح يشكل ضغط أكبر عالدولة اللبنانية
بعدين الجيش اللبناني ( بالدستور ) يأتمر بأوامر الحكومة ...
يعني لو حزب الله انخرط بالجيش ..... كنت شفتو عم ينفز عمليات بالدبوسة و المصنع و جديدة يابوس
و دخولو بالعملية السياسية كان ضرورة بالفترة الماضية .... ليعمل قدر معين من التوازن بما أنو يتمتع بقاعدة شعبية عريضة
|
عم نحكي مبدئيا أو نظريا ما بيصير تنظيم مسلح خارج الجيش الرسمي.... و اذا غضينا النظر على اعتبار هاي قوة مقاومة de facto لكن انو هالقوة المقاومة تدخل البرلمان هاي تخينة, لسبب بسيط. في حزب يتميز عن باقي الأحزاب في انو مسلّح و هالشي ديمقراطيا ما بيجوز وراح تقللي لبنان مانها ديمقراطية بالمعنى التقليدي....و صح, و بيجوز كمان بتحكيلي انو مستحيل حزب الله يقلب اتجاه البندقية نحو الداخلو هون أنا بقللك الزمن قلاّب... حزب الله بدء كبديل لحركة أمل ( و على فكرة دارت عدة معارك بين الطرفين) و ضد الوجود السوري بلبنان ( كمان صار في مواجهات طاحنة مع القوات السورية)