البكالوريا معضلة القرن الواحد والعشرين!!!!
مرحبااااااااااااااااااااا
بداية بحب حيي كل الموجودين بهالموقع والمشرفين عليه أنا مشتركة جديدة وبتمنى كون عضو فعال بهالموقع ....
أول شي حابة اكتب عنو هو واقع البكالوريا بسوريا يمكن هو موضوع مستهلك وانحكى فيه كتير بس بظن انو اد ما انحكى ما في شي يلخص معاناة طالب البكالوريا بالقطر السوري ..
منبدأ بدورات طول الصيف طبعا وما مننسى الشوب و زحمة المواصلات هذا طبعا غير زحمة الصفوف طبعا بوكون مزاج الطالب رايق لهالأشياء بعد ما يكون طلع من سنة دراسية حافلة ليستقبل كل هالهموم ....
وبعدين بتبدأ السنة حسب وزارة التربية مع إنها بالنسبة لطالب البكالوريا ولأهل هالطالب بدأت من زمان ...المهم ومنجي عالدروس الخصوصية وأستاذ فايت و أستاذ طالع ...
وهيك لحتى نوصل على فحص اخر السنة اللي بيشبه يوم الإعدام وبتلاقي هالطالب الله يساعدو مرعوب كأنو رايح يحارب بأفغانستان ما كأنو رايح يقدم امتحان ويحط الشغلات اللي بعقلو على شقفة ورقة .....ومنخلص هالامتحان لنوصل على النتائج و اللي طبعا هي بداية كابوس جديد لأنو البكالوريا بعيد العنكن صارت سنتين بس لسه ما نزل هالقرار بلوائح وزارة التربية ....
فيا أخواتي الأعزاء تأملوا معي بمسير هالأحداث وفكروا شوي هل ما زال غرض البكالوريا هو التثقيف والتعليم أم إنو صار التعجيز والتعذيب بصراحة أنا برجح التاني ...
يعني مستقبل الطالب صار عم بوقف على كم علامة هل هالشي عدل ...هل هالكم علامة هي اللي بتحدد مستقبلنا وشو بدنا نعمل بالحياة ..بصراحة هذا غاية الظلم وغاية الجهل إنو يتم تقييم إنسان بناء على كم علامة ويا ريت هالشي بتم بشكل مقبول بل إنو صار ضرب من الخيال ...و أبشع شي إنك تدرس طول الفترة المسماة ((القطع)) واللي بتخليك مفكر حالك تحت الإقامة الجبرية وبعد كل هالتعب خلي يكون عندك مراق تدرس كمان ليلة الفحص ما بعرف كأنو ما في شي اسمو ملل ما في شي اسمو إنسان عندو قدرة احتمال ليش بتم استهلاك ذهن الطالب حتى يحفظ أشياء يمكن حتى ما يكون الها علاقة بالفرع اللي بيدخلو ليش ما بتكون البكالوريا تمهيد للجامعة بدل ما تكون عقبة أمام كل طالب يبغي دخول الجامعة وحمل شهادة جامعية .....للأسف يتم في هذه المرحلة استنزاف الطالب وقدراته مع عدم إعطاء أي مراعاة لاهتماماته أو هواياته هل صار الطالب مجرد الة لحفظ المعلومات ...
بتمنى اسمع تعليقات من الكل حول هالموضوع وعذرا وجعنالكن راسكم من أولتها!!!!
|