[محمد ابراهيم]

كاتب النص الأصلي : Willi

ليش ما سمعت المعلم (وزير الخارجية السوري)
لما قال انو ما رح نثبت مشاركتنا لنشوف جدول الاعمال تبع المؤتمر.

اليوم سمعت خبر تاني : انو وزير خارجية مصر طارعامريكا
ومابعرف المعلم حسني ليش مارايح
هل هاد اقتناع بيعني مشاركة رمزية ومافي شيء ممكن يقدمو!!!! ومابدو شيء من حد ؟!!!1
هو اكيد مافي حد بيحب يقدم شيء بس اكيد كلو بدو يحصل عكتير اشياء.

وجايز ظروف صحية لانو الرحلة طويلة وهو بعمر متقدم ومن فترة قريبة نسبيا كان تعبان .

عكل حال الجولان مدرج على جدول الاعمال هاي معلومة مؤكدة . بس يامعلم هاد مو معناه انو حلو المشكلة وخلاص , هاي مجرد ترضية سياسية شكلية الى الان , بيجوز يحصل دعم عربي للموضوع وهنيك يصرو على انهاء مشكلة الجولان نهائيا (بس لاحظو مارح نقدر نقول مقابل السلام ) لانو مافي حرب اصلا
مابعرف شو رح يخلي اسرائيل توافق اصلا (الا صفقة ما )

كاتب النص الأصلي : yass

سبق و حكينا عن موضوع السلام و رأيي أنو السلام غير ممكن لا على المدى القريب و لا حتى عالمتوسط ( مابعرف عالمدى البعيد....) لسبب بسيط: لا اسرائيل عندها مصلحة بالسلام و لا أي وحدة من أنظمة دول الواجهة بيناسبها سلام الآن. الشباب الطيبة متفقين على حالة اللاسلام واللاحرب لأنها بتناسبهون تمام, و بين الحين والآخر بيعملو حركة للتذكير بالموضوع


ما بحبو...ما بطيقو و لا اعتبرو رجل دولة.......بس يوم عن يوم عم افهم شو عمل السادات

لاحظ يامعلم انو مافي حرب اصلا (يعني نحنا بمرحلة لا حرب ) شو فايدة مرحلة السلام بالنسبة لاسرائيل؟؟؟؟

هي رح تخسرا كتير , اولا رح تقدم تنازلات للعرب ثانيا الدعم والتأييد المطلق اللي بياخدو من المواطن الاسرائيلي رح يروح (بمجرد انو يحس بالامان) معروف اانو هالدعم بيخلي السياسين يعملو تجاوزات كتيرة وماحد بيحاسبون (وهاد بحجة حماية اسرائيل )
+ الانفاق العسكري الرهيب رح يتقلص والدور العسكري رح يقل ويبلش العالم يطالبو باصلاحات اقتصادية حقيقية (اقتصاد اسرائيل اتاثر كتير سلبا بالسنوات ال6 اللي فاتو)

*بخصوص السادات لقد خرج من حيث لايحتسب الجميع (العرب واليهود والامريكان والسوفيت) قلب الطاولة عالجميع وغير قواعد اللعبة .