[oskarelarab]

كاتب النص الأصلي : oskarelarab

منكمل مع المظلومة و المخدوع من لما استلم صاحب المخدوع المحادثة مع المظلومة
ردت المظلومة وقالت :انا بنت من منطقة تانية و حبيت اتعف عليك لانك عجبتني كتير (المظلومة ما عارفه انه صاحب المخدوع هو يلي عم يحادثها)
ص/المخدوع:بس ممكن على الاقل تقولي اسمك
المظلومة: اسمي اميرة الظلام اذا بتحب ناديني بهالاسم
ص/المخدوع:و ياترى انت امية بالظلام يعني ما فيني نشوفك و نتعرف على هالوش الحلو
المظلومة:اكيد رح تتعرف و مش بس على وجهي و على كل شي بدك ياه
ص/المخدوع:ايه ليش لا و انا جاهز لاي شي بتطلبيه
المظلومة:طيب انا بدي سك وروح عندي شوية شغل
ص/المخدوع:طيب سؤال بس قبل ما تروحي امتى بدي شوفك و اذا عندك صورة بعتيلي ياها
المظلومة:اوكى رح ابعتلك صورة بس ما فيني حدد امتى بدي شوفك (و ارسلت صورة كانت مجهزتها )
ص/المخدوع:ناطر الصورة
و لما وصلت الصورة و شافها ص/المخدوع انصدم و كان رح يغمى عليه من الصورة يلي وصلت و ما توقع انه يلي بالصورة تكون ......
يتبع غدا .................باي

عفوا اذا اتاخرت عليكم بس كنت مريض و ما قادر ارفع راسي و كمان الوضع بلبنان كان شوي مخربط المهم انا رجعت و رح نكمل مع المظلومة و من لما صاحب المخدوع شاف الصورة
لما صاحب المخدوع شاف الصورة قلنا انصدم و كان رح يغمى عليه لانه ما توقع انه الصورة يلي وصلت هي صورة اخته ميمي و الاكتر من هيك انها بالصورة هي و شب اول مرة بيشوفه و كان رح يطير عقله و صار يحسب ويضرب اخماس باسداس شو معنى هالشي يلي صار و مين هاي يلي باعته الصورة ولما مر وقت و فاق من الصدمه حاول يكتب للمظلومة بس كانت سكرت الايميل و كان المخدوع كمان مصدوم من صورة اخت صاحبه بس كان متاكد انه يلي معها بالصورة بيعرفه منيح و منيح كتير لانه يلي كان بالصورة مع اخت صاحبه هو اخو رفيقتها للمظلومة يلي علمتها الانترنت و من هون حس المخدوع انه يلي كانت عم تحكي معه هي المظلومة بحد ذاتها و صاحبه ما بيعرف مين مع اخته لانه بالاساس ما بيعرف رفيقة المظلومة و بالطرف التاني كانت المظلومة قاعدة عم تبتسم ابتسامة صفراء لانها كانت عارفة انه يلي تابع معها الحديث مش المخدوع انما هو صاحبه و اما كيف عرفت فهالسؤال هين لانه المخدوع خجول كتير و من طريقة كتابة و الحكي عرفت المظلومة انه صاحب المخدوع يلي عم يكتب و يحكي معها لانه هالطريقة بتعرف مين بيتبعها
اما ليش عملت هيك المظلومة و بعتت صورة اخت صاحب المخدوع مع صورة اخو رفيقتها فلسببين الاول حتى صاحب المخدوع يبتعد عن المخدوع لانه طالما هو قريب منه ما رح تقدر تتقرب هي منه لانه عم يرسم على انه يقربه من اخته و السبب التاني حتى تقطع امل المخدوع انه اخت صاحبه مش مناسبه اله و انها بتعرف شب تاني
و بهيك بتكون حققت اول خطوة بطريقها نحو الهدف يلي براسها
اما المخدوع فقرر انه ما يخبر صاحبه عن معرفته بالشب يلي بالصورة و بنفس الوقت صرف النظر عن البنت (اخت صاحبه) لانه هو ما بيرضى يعرف وحدة مرتبطة بشخص تاني و صاحب المخدوع كا مرتبك و ما عارف شو بده يحكي فبقي صامت و قام انسحب بهدوء من عند صاحبه و نزل الدرج ركب بسيارته و انطلق نحو بيت اهله و كانت عيونه محمرة و عم يطلع منها لهب نار و افكارره عم تاخده و تجيبه يعني كان رايح على البيت و الشر بين عينيه
يتبع غدا (ملاحظة الجزء القادم من القصة فيه امور ممكن تضايق البنات فا بتمنى ما حدا يتضايق )