اقتباس:
كاتب النص الأصلي : وائل 76
ممتاز يا مايا طرحك أكتر من رائع و بيأكد أنك متابعة جيداً .
لكن السؤال هون و بغض النظر عن ( حماس ) كأيديولوجيا قد يختلف البعض معها و أنا مختلف معها في جزء جوهري . لكن بحكي عن حماس ( بما تمثله من مصلحة قومية من منظور شمولي بيتخطى حدود فلسطنة الصراع ) ألا تستحق حماس ( المصلحة ) و شعب حماس ( المصلحة ) أن يكون هناك تحرك شعبي .. تحرك شعبي تحت أي عنوان و أي صيغة المهم إنقاذ ( المصلحة ) !!
تحيتي مايا 
|
أنا معك مية بالمية ..
بس خليني ما أطّر المسألة بحماس او حزب تاني .. أنا راح أحكي من منطلق إنساني بحت .. و هاد الشي الي ما داخل بحسابات الحكومات ابدا ً ..
عم نحكي عن ناس متحاصرة بغيتّو قرن الواحد و العشرين .. و الغريب أنو الناس مالها شايفة .. لك و الله هون العالم مالها عرفانة شو عم يصير ..
بس إنت طرحت فكرة .. فكرة التحرك الشعبي .. و ما بعتقد أنك ما بتعرف طبيعة الأنظمة العربية ..
عطيني المقومات الي على أساسها لازم يمشي الشعب ..
راح تقلي ثورة ! و انا بقلك باصمة بالعشرة .. بس كيف .. ؟
و كلنا بيعرف ( في ناس بتعرف و بتطنش و في ناس بتعرف و عم تمثل أنها ما تعرف , و في ناس ما بتعرف و لا بدها تعرف ) أنو بسورية 80 بالمية من الشعب عايش بغتّو بس على أصدار أكبر .. في ناس كتير مالها طايلة اللقمة .. يعني ما فرقت كتير مو فقر بالموارد و لا تطنيش لا بالظبط نفس الفكرة الي عم تُعاملو على أساسها هيي تركيع الشعب ..
تاني شغلة .. العفط على أبو جنب .. بتعرف بالفترة الأخيرة صار محبوس عدد كبير من الناس بدون سبب .. تكسير راس يعني .. و عم تقلي تحرك شعبي ..
الشغلة بدها معجزة ربانية و من مقاس XXXXXL
نقطة تانية .. شغلة الحصار على غزة / بيجوز / ما كل الناس راح تتفق معو يعني وجهات نظر لهيك راح حطو شوي مع جنب ..
بالعالم في مليار و طبشة مسلم .. بتفقو قطعا ً أنو المسجد الأقصى هو من أهم مقدسات بالإسلام .. و كلنا منعرف أنو إنهدم من كم يوم حيط ملاصق للمسجد . قلي مين تحرك ؟ و لا حدا , لك يوم الجمعة نقلت من قناة لقناة متل امجنونة لشوف إذا راح يصير شي .. لك مسيرة ما طلعوا !!! جاي تقلي غزة ..
****
قريت من يومين مقالة فيها جملة أنو المجتمعات العربية عاملة متل خليه النحل الي عم يزنّ و على وشك الإنفجار .. يمكن هاد الشي الي مخليني متفائلة بنسبة 0,0000001