أي يا جماعة
متل مو واضح متل عين الشمس الموضوع كذب... و مو بس ما نقلتو انما اخترعتو خلال خمس دقايق, قسم منكون بيعرف انو كان كذب و القسم الثاني أكيد انتبه و في قسم صدّق اني ناقل الموضوع (دخيلكون ما فكّرتو بالمصدر؟؟ في شي اسمو ملحق البي بي سي؟؟؟؟
)و قسم رابع صدّق الموضوع بأساسو...
المغزى من هالموضوع هوي اثبات انو أي واحد ممكن يطالع من ط*** كلام و يعلقو بالنت و العالم راح تاخد هالكلام... لو جربنا بمنتدى خارج الأخوية راح تشوفو هالشي...
عبر و نتائج:
- الاحباط: هاد أقل موضوع تعبت عليه طيلة فترتي بالأخوية... صارو شي سبعين رد. المحبط أنو خلال أربع سنين تقريبا يمكن أكبر عدد من الردود اللي نزلت على موضوع لألي لا يتجاوز الخمسة و عشرين رد....فهمانيني ما؟
-الأغلب ما صدّق و هذا شي جيد....نظرية المؤامرة كالعادة تسقط بثقلها الذاتي...
ألف
للي صدقو الموضوع و بتمنى يفتحو عيونهم و لا يصدقو كل شي بالنت
ألف
للي فكّروني ناقل الموضوع عن جد
ألف و مية و خمسة و أربعين
للي صارلها فوق السنة مو داخلة الأخوية و فاتت تشاركني هالتجربة
خمسمية و ستين
لأعواني الأشرار
ميت خسة
لحشت نشت الشرير الأكبر