كاتب النص الأصلي : Willi
اوكي, هلق مجرد رأي شخصي لا اكتر,
بالنسبة للعرب, ببدايتون, متل بداية روما.
روما كانت مدينة صغيرة, بعد فترة قصيرة قدرت توحد ايطاليا كلها تحت اسما, عن طريق انو, يا جماعة منعطيكون الهوية الرومانية, بس انتو بتمدونا بالرجال, ومنحميكون. (طبعا هالحكي بعد محاربتون)
العرب نفس الشي, لاكن كانت الهوية هية الاسلام. وكونو دخل الله بالموضوع, فصعب صار يتخلو عنو. (هون عم احكي عن الناس اللي امنت بالاسلام)
هلق بعدين روما امتدت لمناطق بعيدة, بس ما عطتهون الجنسية الرومانية. كان همها بسط سيطرتها على هالمناطق. بدون ما تعطيهون شي.
العرب نفس الشي, لاكن عامل الدين مشي لصالهون. لانو صار الدولة اللي يفتحوها, ينتشر فيها الاسلام. وصار هاد كهوية. واللي صارت هويتون الاسلام. ما عاد يتخلو عنها, لانو ببساطة. يعني عايشين ومكيفيين ومحسوبين من اهل البلد. ليش لحتى يتركوها!!
لكن الاسلام ليس هو العربية وخير دليل على ذلك ان العرب فتحوا بلاد فارس و بيزنطة (تركيا) لكن شعوب هذه الدول لم تتخذ اللغة عربية لسان لها و لم يستقر فيها العرب رغم اسلمتهما
نفس الشي بالنسبة للمغول, كان همهون الدول تغضع الهون وعاملو ولاد هداك البلد على انهون طبقة تانية.
هلق اكيد العرب عملو نفس الشي, بس مو مع المسلمين.
المغول لم يذوبوا في النسيج الاجتماعي للمجتمعات التي احتلوها و الدليل ان مع خروجهم من البلدان المحتلة اختفى اي تواجد لهم سواء كان بشري او معماري او ثقافي... بينما العرب انسجموا و اصبح من الصعب الفصل بينهم و بين الشعوب الاصلية نتيجة التصاهر و اللغة
هلق كنت عم تحكي عن تعداد السكان, انو معلم احصائية اليوم غير احصائية لما بلشو العرب.
يعني اهل الشام كانو محكومين من الامبراطورية البيزنطية, اللي كانت بوقت حروب العرب, كانت ضغيفة جدا, بسبب حربها مع روما الغربية, اللي دمرتها واضعفتها بشكل كتير كبير.
روما الغربية لم تكن تقاتل البيزنطيين حين ظهور المسلمين كقوة اقليمية لان روما كانت قد سقطت في يد القبائل الجرمانية و قضوا على تواجدها نهائيا سنة 476م و كانت بيزنطة ( الروم) تعيش ازها ايامها و تعتبر من أقوى الامبراطوريات ولا ننسى انها تمكنت من هزيمة الفرس
بعدين بعد هلق دخلت السياسة بالموضوع, مع انو ما حدا شايل "العربية" من ارضها.
|