هــــلو يا قوم ( تذكرت غوار باحدى مسرحياتو هيك بقول  )
المهم رح اختصرلكن الفترة اللي راحت بدون ما اكتب 
كنت مقضاها دراسة واكل هوى .....  ....و بعدين طلع بلا نتيجة يعني رسبت بصراحة بالامتحانين (كيمياء و تشريح )
الاسباب عديدة مو لاني ما درست بس هاد اللي صار
المهم مبارح قررت انا و رفيقي انو نطلع نسهر و نسكر سكرة اخت محلوشة ترفيها عن انفسنا
و هيك اشترينا ليتر فودكا و 6 قناني بيرة و رحنا لعند رفقاتنا البولون اللي كانو عاملين حفلة صغيرة ببيت احد الشباب و هنيك بلشنا شرب
الشباب البولون صارو يحششو بس يلعن سماهن كانو شي سبع شباب على صاروخ واحد مشان هيك انا و رفيقي ما حبينا نتقل دم و ندخن معهم
المهم بدي اعتذر من حبيبي عبد الملقب ب ASH لانو ما اتصلت فيه مبارح بس و حياتك الاحوال المادية على شفى حفرة فلذلك ما بحسن اتصل حبيبي
بس و حياتك معزتك بالقلب و على شرفك و بصحتك شربت اول كاس مبارح 
المهم كان في شي حوالي 5 ليتر فودكا و 3 ليتر شمبانيا و شي 15 قنينة بيرة وما بعرف شو لسى..... و كنا شي 9 شباب و 6 صبايا و هيك اشتغل الشرب شي 3 ساعات متواصلة لحتى ما عدت ميز الاخضر من الابيض 
بعدين رحنا عالديسكو.......والله لا يفرجيكن شو صار هنيك....ما رح احكيلكن شيت عيب  يعني في صبايا هون و عيب يسمعوا بهيك شغلات
اي و اليوم التعن سمايي من الصبح من وجع الراس و الترتيب و التنظيف و هيك شغلات يعني
و هلق رايح ادرسلي كلمتين اشرفلي
((((*(*(*(*(*(*(*عصابة الملوك *)*)*)*)*)*)*) ))))
بلا حب بلا تخريف
بيع القلب واشتري رغيف
ايامنا صارت صعبة
والدنيا منها لعبــــة
|