[Syrian Gay]

كاتب النص الأصلي : yamen_h

ونحنا كمان عم نشتاق لأخوية القديمة ...الرايقة ...اللي كنت فيق الصبح اشرب فنجان القهوة وانا قاعد بشي محل بالاخوية ...المسا بسهر مع العالم ومنتحاور ومنضحك ومنحشش ...ومنتجادل ..

هللا بدي علق عكلامك شوي ..

هللا صح في نوعاً ما تدني بمستوى المواضيع بس مو للدرجة يللي انت محملها ..

المواضيع كانت حلوة بالنسبة الك ايام زمان على اعتبار كانوا يللي عم يكتبوهون عالاغلب من اهل دفعتك بالاخوية وكنت عامل علاقات صداقة معون فـ كان تحب تشارك معون بمواضيعون وتناقشوا بعض .. بس هللا 95% من كاتبي المواضيع اعضاء جدد او من دفعات يللي بعدك فأنت ما عم تقدر تتأقلم معون على اعتبار ما بتعرفون وبتحس حالك غريب بمواضيعون ويللي رح يكون فيها الردود كلها من الاعضاء الجدد نفسون .. بس هدول الاعضاء الجدد هني ممكن يكونوا اصدقاء بين بعضون .. متل ما قديماً كنت على صداقة مع اهل دفعتك وكنت بتشاركون المواضيع .. فهمت علي ..
وفيك تشتهد بمثل حيوي .. الحياة بالجامعة عادة سنة الرابعة مع بعضون كونون نفس الدفعة وعاشوا مع بعض الـ 4 سنين وبيشوفوا كل شي ساووه بيجنن .. وطلاب السنة الاولى لحالون وعم يحاولوا ينسجموا مع بعض ويألفوا صداقات ويخترعوا شغلات ممكن تكون مسلية الهون بس وبيشوفوها طلاب السنة الرابعة شغلة قديمة وفايت عليها الزمن ويتحسروا على الايام الخوالي وهكذا ..

بعدين في شغلة لفت نظري حدا من الاعضاء .. انو المواضيع خلصت يعني انحكى بأخوية عن كل شي تقريباً و اغلب المواضيع يللي عم تنحط مكررة بشكل او بأخر .. عدا بعض الاقسام يلي ما بيصير الا ما تتجدد مع العصر ..