[وشم الجمال]

هل عشت الوهم قبلا وما كان
اكبر حقيقة واكبر وهم الحب...لذا عشت وهما مدمرا ومحبطا وقد انتهى وزالت ايامه
هل كذبت على نفسك يوما وهل صدقت كذبتك وهل نحن مضطرون دائما على الكذب على انفسنا
الكزب على النفس ضروري كي نتمكن من الحياة ...الحياة سلسلة من الاكازيب التي تنتظر البرهان ...واكيد كزبت عحالي لما كنت شوف كل الناس ملائكة بس اكتشفت انو هاي نظرية فاشلة
فيلم تمنيتي اتكون البطلة .... ليش .... وهل اعجبتك نهايته ..... وشو كانت
كتير افلام هندية...لانها بتجسد الحب المستحيل والحب لاخر نفس ...ولانو البطلة دايما بتعيش بحضن حبيبها ...ولانوالحبيب بيبقى يحارب العالم كلو مشان هالحبيبة
فيلم لم تعجبك نهايته ... شو بدك تكون النهاية يعني
والله ما كتير مع الافلام ...يعني ما في شي ببالي ...لاني مو حضرانة افلام كتير
( قصيدة رواية كنت تفضلين لهم نهاية غير تلك التي انتهيا بها
رواية ماجدولين ...كنت بتمنى تكون نهاية اسعد من هيك كنت بتمنى الدنيا توقف بصفها وما تغدر فيها لما امّنت الها ولقت الشي اللي رح يقلب حياتها ...لمّا لقت الحب الحقيقي تخلت عنو بدافع التضحية وهالتضحية خلتها تعيش بدوامة الالم هي وحبيبها اللي عشقها....وانتهت القصة بموتها بلا حتى ما تشوفه مع انو كان الامنية الاخيرة ...الرواية حلوة وحبكتها حلوة حتى النهاية حلوة بس كان نفسي تكون رواية بنهايتها يتزوج الابطال ...كان نفسي يصير تواطؤ من القدر معها لتقدر تعيش السعادة بس مو مشكلة لانه هاد القدر...وهذه الحياة القاسية
شو رأيك بهاي العبارة نحن نرى ان الماضي جميل لانه ذهب واذا عاد لكهرناه
الواقع دائما مر وغير محتمل فاذا كان الماضي هو الحاضر من المؤكد اننا سنكرهه...بالمناسبة الماضي بالنسبة لحضرتي مو جميل ...بكرهو..
احب من تحب هوناُ ما عسى ان يكون بغيضك يوما ما وابغض بغيضك يوما ما عسا ان يكون حبيبك يوما ما
ريرت اتكون هاي العبارة مطرح تطبيق من حضرتك يريت
اكيد القلوب من اسمها متقلبة ....بس الجموح بالحب شي مو بيدي كتير حاولت كون عقلانية بالحب...بس المشكلة اني اسمي سراب ...ولما حب بحب بجموح السراب بس اكيد رح حاول اتعقل بالحب مشين الالم ما يكون كبير ...بس بلا وعود ها ...
اشرحيها بقصة من حياتك او بقصة تتوقعيها
ممكن انو البنت بشكل عام لما تلاقي فارس احلامها بتشوف الدنيا ملونة بازهار الربيع ...وكمان لما تحب بتصير عميا ومو شايفة شي ...واذا خاب ظنها ممكن يتحول هالحب لكره عميق ...فديروا بالكم يا صبايا ويا شباب من الجنون بالحب ...
اخر حلم حلمتي به
حلم ؟؟؟والله ما بتذكر!!!بس اذا كان بمعنى الامنية فليس لي من امنية سوى الحب الصادق
سؤال اردت اجابته مني
هل من الممكن ان تنسى اساءة حماس وتحبها من جديد لو تغيرت؟؟؟
سؤال اردت ان نشاركك اجابته تحيرك اجابته ولا تقنعك اجابتك عنه
ليش الدنيا قاسية ؟؟؟وليش كل ما نأمن للقدر بننطعن وبنقع ؟؟؟وليش الكزب والنفاق والوحشية صارت سمة الانسان المتمدن؟؟

طريق سرت فيه توقفت في منتصفه من اوقفك لماذا توقفت
حياتي كلها طرق والمشكلة ما في طريق كملت المشي فيه ...لاني دائما بكتشف اني بسلك الطريق الغلط ...واللي بيوقفني بالعادة احساس داخلي بيقلي انو انا ما لازم كون هون ...
كلمة لفلسطين ولتكون مسك الختام
احبك حبين حب الهوى.............وحب لانك اهل لذاكا
فلسطين ...بلدي ونور عيني ...القصة اللي نفسي تكون نهايتها سعيدة ...والحلم اللي حاجة يضلو باطار الوهم نفسي شوفو حقيقة ...نفسي...

ارسلان العالي ...ممكن كل اجاباتي معومة بس المشكلة انو اسئلتك بدها صفنة كبيرة واذا بدي اصفن ما رح تكون اجابة عفوية رح تكون منمقة ...وهون بكون بتخلى عن شي بحبو بحالي
سامحني وضل ادعيلي