[maged-syrian]

مرحبا ياجماعة ... موضوع حلو كتير وحابب شارك معكم باعتباري انا كمان مغترب
انا مقيم بالسعودية ... بأطهر أرض " المدينة المنورة بجوار الحرم النبوي الشريف" مخلص معهد تجاري ومعي دبلوم من المركز الثقافي البريطاني بالاضافة الى شهادة toeic مهارات الاتصال الدولي وبشتغل بمؤسسة كمبيوتر من 4 سنين تقريبا .. وكل يوم جمعة عندنا أجازة يابنطلع عمدينة ينبع "الهيئة الملكية" 200 كم عن المدينة بنصطاد سمك يابنطلع عمكة 400 كم بنسوي عمرة " خزيت العين انا مسوي عمرة تقريبا شي 50 مرة خلال اربع سنوات ...
بكل الاحوال الوضع الاجتماعي هون زفت مافي اي نوع من الترفيه الا للاسف بشكل ممنوع من تحت لتحت .. واغلب الترفيه الممنوع اللي كنا بنمارسه كنا ندخن الحشيش خصوصا الحشيشة الشقرا لأنها خفيفة مو تقيلة وسعرها طيب بمتناول الجميع وهالنوع من الحشيش منتشر بشكل فظيع بالحواري وبالعزبات والاستراحات .. طبعا مع هالوضع هاد بنضل ملتزمين يعني ابدا امارس اي نشاط ترفيهي ممنوع غير الحشيش ... ومن كتر ماكنا ملتزمين انا ورفاقي بالعزبة كنا نفرط هالحشيشة ونضرب كل صاروخ احلى من التاني بس لمن يأذن الفجر بنحط الصاروخ على جنب بنقوم بنصلي وبنرجع منكمل الصاروخ بعد الصلاة .. اغلب اللي بيعرفوا اني بحشش بيقولولي ان الحشيشة حرام شرعاً وانا مابقتنع بكلامهم لأني صرت اعتبر سيكارة الحشيش متل الدخان العادي ... فعلا احساس جميل بعد ماتسحب اول سحبتين من السيكارة بتنبسط عالاخر وبتحس حالك بعالم تاني عنجد احلا احساس بتخلي مخك بعالم تاني بعيد عن الواقع 100% ..
على فكرة اغلب الشباب اللي حششت انا معهم سألتهم ليش اخترتو هالمتعة بالذات ردو علي انهم مالاقو شي تاني يفضوا هموم الحياة فيه الا الحشيش اللي بينسيهم بعض من همومهم ومتاعبهم اليومية وفعلا حكيهم صحيح .. بشكل عام في بعض منهم مناصب عليا مرة رفيقي عزمني روح انا وياه لعند شخص ماكنت بعرفه بتفاجأ بالاخير ان هادا الشخص مدير مدرسة ثانوية وفاتح بالفيلا تبعو وكر تحشيش ...

بلا طول سيرة : كل يوم انا نفس الروتين (شغل , حرم , بيت ) ويوم الاجازات خميس وجمعة سفر أو سهر أو تحشيش ,,, على فكرة حلاوة التحشيش انك مابتدمن عليه مو متل المواد المخدرة التانية ,,, الحشيش اقل ضرر من اي مادة مخدرة تانية بكتير بس اذا تقلت العيار بيجمع الدم براسك وبيحمروا عيونك وخليها لربك يامواطن ..
صرلي عهالحالة 8 سنين وانا بالسعودية .. والله يتوب علينا ويبدو ماراح بطل هالعادة طول ماانا اعزب وماعندي مسؤوليات اتحملها متل مسؤولية الزواج او مسؤولية الاهل

عفكرة أش : الوضع هون ناشف لاسينما لاكازينو لامشروب لابنات واذا بدك بتلاقي هالشغلات بس ببيوت كبار المجتمع او من تحت لتحت وعفكرة شغل من تحت لتحت كتران بشكل مو طبيعي هون
بالنسبة لسوريا بتمنى أن الوضع يتحسن للأفضل وماعندي نية انزل عسوريا بالوقت الحالي الين مااعرف شو اللي حيصير خصوصا اني بالنزلة الاخيرة بالصيفية اتبهدلت كتير بالنسبة لوسائل النقل ووسائل الكيف((الحشيشة)) والمعيشة والزحمة والغلاء اللي صارو خصوصا بعد قدوم العراقيين باعداد كبيرة جدا خصوصا اني متعود على حياة مختلفة بالغربة فماقدرت اتأقلم سبحان الله ماطولت اكتر من اسبوعين

للحديث بقية