بدي اعبر عن شعوري هون واخد راحتي لأن مكبوتة من هاي الناحية
قد ما الانسان كان عايش بجو ديمقراطي وماخد اللي بدو اياه
دارس شو بيحب بالجامعة اللي بيحبها
ما حدا من اللي مسؤولين عنو بيجبرو ع اشي
هون بيقدرش يتنفس
لأن مقيد زيادة عن اللزوم
البني ادمة الطبيعية اللي عايشة بهيك بلد بدها تتعلم كتير اشيا
تلبس شو ما الناس بدها " حتى لو كان اللي بدها تلبسو مش مخل بالقوانين العامة "
تحكي بالطريقة اللي الناس بتحكي فيها
تآمن باللي الناس مؤمنة فيه
حتى بالموسيقى
ازا والوحد بهالبلد ما بدو يحس انو منبوذ لازم يسمع موسيقى معينة
حتى بتخييرنا في تسيير
بتلاقي الواحد مخير بس محدودية الخيارات وقلتها بتجبرو يعمل اشيا هو مش بدو يعملها
بصراحة بعد التفكير العميق
اكتشفت انو احنا مسيرين حتى بالأمور اللي مخيرين فيها
وانو عشان نعيش مقبولين اجتماعيا لازم نكون أو نسخة من كل الناس
أو صورة قريبة جدا عليهم !
