[THE_unforgiven]

اولا شكرا على هالموضوع الحلو دلوعة -سابقا- اشتقتلك ....
طبعا للأسف تلات ارباع الشعب العربي إذا مو كلو .... عقلو بالمصاري ...
يعني اذا بيو مسؤول او ورتانلو شي ورتة ... بيفكر حالو صار ملك ... ولا بيدرس ولا بيبطخ
أو بيقدم امتحانات بس وبينجح فيها بالواسطة .... وطبعا بس يموت بيو بعد عمر طويل ... يا أما بيستلم محلو إذا كان مسؤوول ....وبيكمل تخبيص ... أو .... بيجكع هالشوية مصاري البقو معو ... وبيشتري فيهون زعتر ...
وبيقضي كم آخر يوم بحياتو ... يتندم ... ع شبابو ...
يعني اللي بدي افهمو المصاري بدها تأبد .... إذا ما في مصدر دخل ...
يعني مثلا ... إذا واحد بيو عندو سيارة حديثة ... ووعطاه اياها ... بيروح بيكزدرلو شوي فيها وبيسنى الدرس ...
وبيرتبطلو بشي بنت - الله يعينها عليه - وما بتكون عارفة الكارثة اللي وقعت فيها وبتنغش بسيارتو ...
وبعد فترة ... يا أما بتروح السيارة بشي حادث أو بتهتري مع الزمن ... وهوي قاعد عم يتطلع بمرتو ويتحسر ... يعني شو بيضمن مستقبلنا .... إذا نحنا ما تعبنا ودرسنا هالكم سنة ... بليز ردو ... وشكرا