[COSTA]

كاتب النص الأصلي : *Marwa*

من هالناحية انا مش متأكدة اساسا ازا في بالاحزاب السياسية شيء اسمو متدينين علمانيين شيوعيين راسماليين..الخ!
حسب رايي الدافع الاساسي لتحريك خيوط اللعبة السياسية بالاحزاب هي المصالح!..يعني ما تستغرب ازا قلتلك انو عنا هون باول السنة صار في اتحاد بين حزب شيوعي وحزب اسلامي
انو كيف صار هيك ما بعرف بس انو صار بس ليعبوا كراسي بالبرلمان!!

المشكلة الحقيقية اللي بتصير هي مش بالاحزاب لانو حتى لو اجتمع بحزب كل الطوائف .. اللي رح يحتج ويتبلبل وما يفهم القصة هو الشعب لانو شيء مش طبيعي انو ملحد يتعاون مع قسيس او شيخ..ورح يطلع عندك ناس ويكفروا السياسة والدين مع بعض..وهون منرجع لمسالة الشعب وتوعية الشعب..وكل ما كان في ديموقراطية كل ما كان الشعب اوعى

تعريف الحزب
هو عبارة عن تجمع افراد بفكرة معينة لبناء مجتمع افضل ......... هي بالمختصر بس بدك مين يطبقها
المهم ... متل ما قلتي المصالح .....
وهي ما منشوفها الا بالاحزاب العربية (يخز العين حولون لانو بيقدرو بزبطوها وبدي جبلون خرزة زرقة وحدوة بغل )
بس بتلاقي دايما انو العلمانيين ما بيتحركشو بالمتدينين وبيشتغلو
اما المتدينين وهون بحكي المتشددين طبعا بتلاقيهون دايما حاطين راسون براس العلمانيين متل كانو بدون يسلبو منون الكراسي او الدين او الشعب
هلأ ما بيتعارض وجود احزاب برلمانية علمانية ودينية وتشتغل لصالح الشعب
وكمان لما بكونو الكل تحت ظل القانون بكون القرار السياسي ( الداخلي والخارجي ) قوي ومتين
بس عننا ما بتزبط لانو مجتمعنا ما زال متمسك بالدين وخايف من رجل الدين اكتر من خوفو من الله .... كانو رجل الدين بعبع