هلق بما انو تقريبا خلص اليوم ف رح اكتبلكن شو صار معي بهالهار هاد:
اول شي من الصبح كان عندي درس لاتيني رحت عليه و صارت هنيك شغلة انو : المعلمة سالت سؤال قمت انا بكل بداهة و شطارة جاوبت عليه
فقامت الانسة و سجلتلي نقطة ايجابية عالدفتر عندها مشان هيك البولون كلهن انبع..وا مني ليش انا طالب اجنبي و عرفت السؤال مع انو و حياتكن انا متل الاطرش بالزفة مع هاللاتيني بس هيك صدفت انو عرفت السؤال لاني كنت دارسو
بعدين كان عندي درس انسجة ومتل العادة بدون مناقشة رسبت بالمذاكرة بس اليوم صرنا ندردش انا و المعلمة و نمزح شوية بالحكي و بلشت امدح بالبولونيات و من هالحكي و هالكذب ....مشان هيك كمان البولون رفقاتي غارو مني شوية انو منين عندي هالجرأة اني دردش و امزح مع المعيدة لانو هيي ما بتعطي وش لحدا بالصف و صارت تساعدني كتير وانا عم اشتغل عالمجهر
المهم بعدين رجعت عالبيت و كان النت متصلح و الحمد لله و حكيت مع امي عالماسينجر
صرلي اكتر من شهر مو سامع صوتها
بس الحمد لله مشي الحال و اخدت دفعة معنوية منها كبيرة لقدام
اي وهلق قاعد عم ادرس....ادرس.....ادرس.....ادرس.... (طبعا مع شوية استراحات قصيرة للدردشة مع رفيقي
)
اي و هيك بتوقع انو ينتهي نهاري بدون اي شي تاني مهم
و دمتم و دامت اخوية اللي بتجمعنا
((((*(*(*(*(*(*(*عصابة الملوك *)*)*)*)*)*)*) ))))
بلا حب بلا تخريف
بيع القلب واشتري رغيف
ايامنا صارت صعبة
والدنيا منها لعبــــة