اقتباس:
كاتب النص الأصلي : وشم الجمال
الله يسامحكن كلكن
صرتو تحسسوني بانو نحنا ولا شي
انا معكن كلشي اتغير بس لولا الانسحاب كان بقى ولو شي بسيط من اخوية اللي بتحبوها
وكمان خليتوني اتندم ليه ما دحلت اخوية من زمان  |
رح علق على ردك التاني اول الشي بعدين برجع للاول
وشم مو قصة نحسسكن انو انتو ولا شي القصة كيف بدي قلك متل قصة اجيال دائما الجيل القديم ما بيعجبو تصرفات الجيل الجديد والجيل الجديد بيفكر حالو انو صح بس وقت بيقلولو الجيل القديم للجديد يا جدي نحنا على ايامنا كنا هيك وهيك بيقلو اخ يا جدي لو فينا نرجع بس بنفس الوقت هوي عرفان انو لو رجع ما رح يتاقلم متل ما هوي هلأ وبنفس الوقت الجيل القديم مانو عم يتأقلم مع الحاضر هادا اللي صاير باخوية
بس ما حدا قال انو الجيل الجديد رح تنقطع علاقتو بالجيل القديم في كتير عالم من الجيل الجديد ارتبطت فينا نحنا الجيل المتوسط (لانو في جيل اقدم منا نحنا منتحسر انو لو كنا على وقتو بس منعرف لو كنا على وقتو ما كان حدا سمع فينا متل لما كنا بوقتنا )
في كتير عالم دخلت بالجيل الحديث وارتبطنا فيها كلياتنا وصرنا اعز الاصحاب (تحية لبلاك ولنيرفانا اللي يعتبرو اجو ببدايات المرحلة الجديدة ونهايات مرحلتنا نحنا بس لانو اثبت وجود من خلال مواضيع من خلال مخ منفتح من خلال طريقة حوار راقية اعجبنا بهم )
فانتي ما تتحسري على اشيا راحت بالعكس نحنا الجيل المتوسط على طول عم نستقبل اللي منحسهن قريبين منا
اقتباس:
كاتب النص الأصلي : وشم الجمال
ما رح احكيلك شي غير شعاري اللي احيانا بنساه
من أقاصي اليأس يولد دائما منتهى الأمل
وجملة مبارح قريتها برواية الخيميائي مو حافظاها منيح بس بما معناه
اذا اراد الانسان شيئا فإن العالم بأسره سيطاوعه لتحقيق ما يريد
انا وثقانة بهالشي وبتمنى تنضم لحلف الثوق خاصتي
وكمان رح حاول بحبش لشوف كل شي حلو وبناء
وانا بصدق فخورة فيك لانو شب عمرو 20 سنة بهالنطق وهالعقلانية بالتفكير
مو مجاملة بس جد انت رائع واستمر على هالنهج
وشم  |
هيي القصة مو قصة يأس بمعنى اليأس بمقدار ما انها قصة كيف بدي قلك ياها
قصة فراغ قصة انو انا تركت اسبوع كامل وما فكرت باخوية ابدا لانو كل مرة فكر قول شو بدي ارجع ساوي بدي ارجع عالصفحة الرئيسية اكبس ريفريش عشر ساعات او 11 ساعة وهني مجمل الوقت اللي بقضي عالنت يوميا
اقتباس:
كاتب النص الأصلي : وشم الجمال
وانا بصدق فخورة فيك لانو شب عمرو 20 سنة بهالنطق وهالعقلانية بالتفكير
مو مجاملة بس جد انت رائع واستمر على هالنهج
|
يعني ما بعرف شو بدي قلك خجلتيني
وما رح يطلع معي غير اهديكي
شكرا الك لرايك
ملاحظة : (كترانين ملاحظاتي هالايام هههههههه ) اذا بتحبي ببعتلك كم موضوع حلوين من القدامى شوفيهن واطلعي عليهن مو مجرد مواضيع نقاش انو مواضيع مشكلة