[waleeeeeedo]

كاتب النص الأصلي : سمسمه80

اول موضوع ليا و بالمصرى كمان
طب انا عارفه ان اخوانى السوريين بيعرفوا المصرى كويس بس تنويه عام انا كلامى شعبى حبيتين (برضه هاتفهموه)
ادخل بقى فى الموضوع على طول بلاش اوجع دماغكوا لسه هاتتوجع بعد شويه


كنت ماشيه النهارده فى الشارع اثناء النهار و اذ بى افاجئ بال ايه الفتارين مليانين هدايا للفالانتاين (ايه الكسفه دى بقى)
طبعا الكسفه سببها انى السنه دى و حيده يعنى بالعربى محدش هايبص فى وشى بورده حتى
الله يرحم ايام الهدايا الى مكنتش اقدر اشيلها ولا الشيكولاته و جمالها
و الحوار الى داير بينى و بين نفسى فى اللحظه دى الفلانتاين قليل الادب اوى السنه دى فكرنى انى لوحدى ( يا ريتنى ما سيبت خطيبى) طب ينفع ارجعله اليوم دا عشان اشترى مايه وشى ادام الصحاب
اهو رايحه فين يوم الفلانتاين اقول خارجه مع الشملول( الدنجوان )
و ارجع البيت ملو هدومى بهديه و احس بشويه شموخ بقى البنت محبوبه جدا
طبعا كل دا لسه بكلم نفسى و متسمره ادام الفترينه و الجليتر بيلمع مع الشمس فى عينى تقولش بيغيظنى دا ولا ايه
و السؤال الى بيطرح نفسه الوقت طيب الفلانتين اتعمل لينا احنا الى سايبين او متسابين( منفصلين) عشان يجيلنا جلطه من الذكريات ولا ايه انا كنت ناويه ادفن ذكرياتى فكرتنى ليه يا فلانتاين بس
اخدت قرار عاجل انى اليوم دا هاكون عاديه جدا طبعا كل اخواتى الى هايخرج مع مراته او خطيبته
بس انا انسانه راضيه جدا بالواقع و الحمدلله
انا هافضل فى البيت عادى جدا اتفرج على التليفزيون و لا هايجيلى شعور باى زعل و مشيت من ادام الهدايا بمنتهى الهدوء
و الراحه النفسيه بس ماكنتش مروحه كنت رايحه لصديقى العزيز ايوه يا محمد خد القرشين دول و عايزاك فى خدمه يوم الفلانتاين تبعتلى ورد و شيكولاته و تكتب الحبيب المجهول فى عرضك خليه مجهول بلاش الواحد يتكشف ادام الاهل و يفضل على عرشه ديما
بالمناسبه
انا باطالب يوم الفلانتاين المستشفيات باعلان حاله الطوارىء القسوى انا اصل قلبى حاسس ان الورد و الشيكولاته مش هايأثروا و الدموع اشتغلت من الوقت
يخص عليك يا فلانتاين ايه الى جابك السنه دى

سمسمه لا تتحسري على شي .... ماحدش واخد منها حاجة ....

خليكي ريلاكس وابعتي للدنيا فاكس ......... آه

وإن على يوم الفلانتاين .... طز فيه الله لا يخليه... الحب ما راح يتعطل عليه ....


جعل الله ايامكم كلها حب وسعادة وفرح ... وشوية مكسرات وموالح ... ودمتم ،،،،،،،،