[محمد ابراهيم]

كاتب النص الأصلي : ASH

وينك يا ابو حميد و ين رحت و تركتنا شو يعني زعلت من كم واحد

خلص نسية يلي بيحبوك يعني ؟؟؟

بعدين هي ابو جوزيف كل حاطط تقلو و قواتو مشانك شو بتتركنا و بتمشي يعني ؟؟؟

طيب يا معلم ولله نحنى بدنا ياك معنا مثلا

شو حكية ؟؟

كيفك معلم

كل اللي بيعرفوني منيح ,بيعرفو اني ما بهرب ابدا وثقافتي مبنية عالمواجهة .
بس بدي منك ومن الجميع بما انكون ما عيشتو معنا اخوية وهي بتتطور لحظة بلحظة انو تسئلو العالم يللي عاشت هاللحظات , انا سجلت هون وكان عدد الاعضاء تحت ال 4000 عضو كان لسا اخوية مغيرة جلدها وفكرها
خرجت من العباءة الدينية للعباءة العلمانية ,كان عندها استعداد تستوعب ثقافات مختلفة وانماط مختلفة .وطبعا (الاخوية) واجْهت كتير و وردّ عليها كل شيء (كل ما تتخيلو ومالايمكن أن تتخيلو )كان في سمة رئيسية بهالمرحلة
انو ممكن بالاول يحصل صدام ومناوشات واكتر من هيك ,بس بالنهاية عالاغلب بيحصل تقارب والتقاء ,اخوية كانت اقرب ما يكون الى كونها جسر بين ثقافات ,على هالجسر كان بيعبر كل شيء ممكن عبوره بدءا من الافكار الى الرؤى نهاية بالمشاعر والاحاسيس ,
يمكن على نفس الجسر كان بيعبر اشياء مخجلة .هاد الطبيعي مافي شيء مكتمل .
لكن بيبقى انو في رونق خاص للاخوية وفي شكل وفي شيء مهم جدا هو "روح " اخوية هاد يللي بيخليك تقول انو هاد منتدى مختلف عن اي منتدى تاني دخلتو او رح تدخلو ,
في اخوية تقدر تلاقي تقارب بين العالم بطريقة غريبة جدا, مستحيل كنت تلاقيها بمكان تاني , العلاقات هون مميزة جدا
هاد الو علاقة ب "روح" الاخوية .
طبعا مع الوقت بلشت الاخوية تتغير وما بعرف نحنا يللي تغيرنا او هي ,المهم بالاخير طلع معنا انو "الاخوية" كومقع في عالم وفي كتابات الون واراء " اتغيرو والتغيير كان سلبياتو اكبر بكتير من ايجابياتو , بصراحة حاولنا كتير نرجع الاخوية
وفي عالم قدمت الكتير للاخوية اوقات كانو بيقدرو نعملو شيء وكتير لاء ,المشكله انو كل مرحلة الاخوية بتتغير كتير وبتتراجع وكل مرة كان بيطلع حد بيحب الاخوية او مجموعة ويحكو انو لازم نعمل شيء ,
بس للاسف استمر التراجع والتغيير واستمرت العالم في الشكوى والبعض الاخر في محاولة ارجاع الاخوية ,وكالعادة كل المحاولات كانت بتفشل
,الى ان وصلنا لحد معين حسيت فيه انو خلص ,حتى الحد الادنى من اللي ممكن يخليني استنى هون ,اتبخر .
العالم يللي عرفتا بالفعل موجودين عندي عالماسينجر وهادول الكنز الوحيد المتبقي الي من الاخوية بجانب الافكار والاراء يللي حطيتا ببعض المواضيع "ايام اخوية الحقيقية او بمراحلها المتاخرة المقبولة نسبيا "
على كل حال الجدوى من الوجود بالاخوية صارت قليلة جدا ومتواضعة بالنسبة الي وما بقصد الاسائة لاي حد هون
كل مافي الامر انو موضوع متعلق بي .
عدم ردي الفترة يللي فاتت ما كان انتقاص مني الكون او عدم مبالاة , كل مافي الامر انو مابدي اكتب موضوع متل اللي كتبو واقول انو الاخوية اتاخر مستواها واتراجعت وبدنا نعمل شيء ,
وبالاخير مارح نتحرك (ببساطة لانو يُفشل) على رأي أخر الرجال المحترمين .
عفكرة شو منشان الاقتباس المتعدد ما مشي الحال معي بخصوصو (هاي جزء من المؤامرة !!)
كان بدي رد عالجميع مرة وحدة ومامشي الحال على كل حال كلكون بقلبي سواء رديت او مارديت
ومها حصل مارح انساكون واذا لاقيت وقت رح ارد عالجميع اليوم ان شاء الله
هلاء خارج سلام