بالفعل موضوع شائك..انو ما بدي قول غصبا عنا منحكي عبري..بس هاي هي الحقيقة!!
دولة اسرائيل وعدتنا انو يكون في مساواة بكل شي وانو اللغتين الرسميتين للدولة هني العبري والعربي..لكن بالنهاية طلع كلو هاد اوهام..وباي محل عام في اسرائيل مجبور تحكي عبري..بشغلك بالمؤسسات الحكومية بالعيادات الطبية بالمحلات التجارية بالشرطة لك حتى بالشارع اللي فيو يهود!..لك هاي لغة الاكثرية واللغة الرسمية كيف ما بدك تحكيها؟؟
بس البشع بالموضوع انو هاللغة صارت تقريبا عم تحتل العربي وتذوب اللغة العربية فيها بدل ما يصير العكس!..يعني نحنا هون عم ننتج ولاد بعرفوا عبراني من جيل 3 سنين (او اصغر حتى) وما بعرفوا جملة عربي متل الخلق حتى من بعد ما يصيروا 20 و50 سنة!!
لك ازا جدي اللي عمرو شي 60 ما بقدر يحكي جملة عربي بدون ما يدحش فيها 5-6 كلمات عبرية!!
بكل صراحة في كلمات ما منعرف اساسا شو اسمهن بالعربي!!!!
لك مش بس ابائنا واجدادنا اللي هني قدوتنا بحكوا مصطلحات عبرية بكلامهن لا كمان معلمينا اللي هني القدوة الاسمى..لك حتى بالمواضيع اللي مش عبرية التلخيص بكون عبري (لانها لغة سهلة) متل الكيمياء الفيزياء الرياضيات الجغرافيا...الخ!! (احيانا بتخيل انو رح نصير نلخص اللغة العربية بالعبراني!!!)
بعدين قسما بالله في مصطلحات علمية عربية شفتها بجوجل ولاول مرة كنت بشوفها واستغربت وما فهمت شي منها حسيتها معقدة ومركبة كتير!!
يعني ازا رح يشرحولنا الكيمياء بالعربي انا رح يصيبني انهيار  ومش رح افهم شي!
بكل الاحوال اللغات اثراء للبنآدم بس على المدى البعيد انا خايفة اولادنا يبطلوا يعرفوا شو يعني لغة عربية! ويمكن كمان ينسوا انهم عرب! او يمكن يعتبروا نفسهم انو جذورهم عربية بس هني لأ!!!!
شكرا لمشاركتكم بالموضوع 
لا تَقُل : يا رب عندي هَـمّ كبير
ولكن قُل : يا هـمّ عندي ربّ كبير :]
؛
يا ريـحة البـلاد يا عطر الفّواح ..غـالي علينا يا تراب بلادنا
|