[dandon]

سلام يا حلوين..كيفكون؟
الموضوع بيتضمن عرض مشاكل شباب و بنات اليوم..أنا بدوري حأعرض المشكلة و النقاش مفتوح
للكل هون طبعا..المشكال مالا شخصية و ما بتمد لأي حدا بالمنتدى باتصال..و لا بألي شخصيا..
بس لأنو في بعض من هدول المشاكل فعلا بتثير للاهتمام..وبتحرض للنقاش
في شي منون بيضحك..في شي ما بيتصدق..و في شي بيقطع القلب
..أنشاء الله يعجبكون..وهي حنبلش بأول مشكلة...

_-------------------------------------_

انا بنت عمري 28 سنة تعرفت على شب متجوز وحبيتو بس انا ما كنت اعرف انو متجوز بعد سنة عرفت انو متجوز وعندو اربع اولاد المشكلة اني حاولت ابعد عنو من شان اولادو رغم
اني بحبو ورغم اني بعرف انو هو منو مبسوط مع مرتوا بس ما قدرت ابعد اتفقنا انو نتجوز.و مرتوا وافقت وكل شي ماشي تمام بس لما حكيت لاهلي رفضو بشدة وحكولي مستحيل نقبل هيك شي انتي ما بتعرفي شو انتى وشو قيمتك ليش تقبلي هيك شي بعدين اذا مرتو موافقة. هلق بتوافق وبكرا بتعملك مشاكل المهم انا بعدت بس مو قادرة لاني بحبو و ما متخيلي اني عيش من غيرو مع اني مقتنعا انو هادا الشي غلط بس ما بعرف شو سارلي. جد ساعدوني انا بحاجي لحدا يفهمني انا كتير تعباني ما عم بقدر اعمل ولا شي كل الوقت وانا سارحة او نايمة اهلي عم بحاولو يساعدوني بس انا مو مرتاحة جد ساعدوني لاني انا قربت اجن لاني عارفتو غلط بس مو قادرة ابعد وشكرا كتير