[أبو عقييد]

السلام عليكم يا أبضايات و ياصبايا و الله يعطيكم العافية و رح أحكيلكن هالقصة كان في اتنين رفقات أجا الأولاني عمل فخ لرفيقو باليوم الأول قدام باب المدرسة تاني يوم و هو جاية على المدرسة نسي الأخ وين حط الفخ و دعس عليه قام أكلها مقلب قلو رفيقو بيقول المتل (( من حفر حفرة لأيه وقع فيها )) قام الأول اتدايق منو لأنو شمت فيه فزو الشباب اتخانقو أجا دخل واحد عم يفك الخناقة أكل قتلة معهن قام قالولو ليلي كان بدو يفك الخناقة بيقول المتل ((ياداخل بين البصلة و قشرتها ماينوبك إلا ريحتها )) المهم مالكن بطول السيرة خلصو خناق هدول الرفيقين و آخر شي ندمو على هالخناقة لأنو كتير خبصو بالحكي مع بعض و بعد يومين اتصالحو الشباب و قلو الأول للتاني و الله ياصديقي أنا آسف أني حكيتك كلام قليل أدب كتير و غلطت بحقك قلو التاني و انت كمان سامحني أنا غلطت معك صحيح متل ما بيقول المتل (( من أطاع غضبه أضاع أدبه )) و قلو كمان بدي منك اتطبق هالمتل يلي بيقول ((اختر كلامك قبل أنت تتحدث و اعطي للإختيار وقتا كافيا لنضج الكلام فالثمرات مثل الكلام تحتاج وقت كافي حتى تنضج))كمان بيقول المتل ((تكلم و أنت غاضب ... فستقول أعظم حديث تندم عليه طول حياتك))قلو رفيقو التاني قولتك بس مين أقوى أنا ولا أنت قلو بيقول المتل ((ليس القوي من يكسب الحرب دائما إنما الضعيف من يخسر السلام دائما)) صافحو بعضهن الشباب و باسو بعضهن من الشوارب و توتة توتة خلصت الحتوتة مالكم بالطويل ياجماعة بس هدفي من هالمشاركة أنو كل واحد عندو متل حلو ممكن اتكون في نصيحة يحكيلنا عليه و لو بدو شرح يشرحو و يذكر من وين أصل هاد المتل لو أمكن معظم الأمتال يلي زكرتها بالقصة أمتال فرنسية و كم واحد عربي ... أنا رح بلش بمتل و هو متل إيطالي بيقلك أنو ما اتخلي أي شي يمنعك لأنك تبلغ هدفك و المتل بيقول : (( إن كنت ماشيا في الطريق و صادفت امرأة جميلة فلا تقف عندها فإن تابعت الطريق تجد العشرات )) .

يلا شباب فرجونا همتكن و عطوني رأيكم بهالموضوع و تحياتي لأحلى شباب و صبايا و أنا رح أهديكم هي عرفتو شو هي هي أبتسامة لأنو متل ما بيقول المتل (( الإبتسامة كلمة طيبة من غير حروف ))