[was616im]

قبل ما جاوب رح قللك شغلة اني ما رح احسن رد على كل الاسئلة دفعة وحدة يعني هلق رح رد على قسم واحد بس و بكرا القسم التاني يالله لنبلش:

كاتب النص الأصلي : ASH

هلا انا لح كون مختلف بأسألتي عن الكل لانو شايف الأسئله هيه قوالب بتنسأل للكل لهيك لبلش يا رب


وسيم بتحب اسمك او لا ؟؟؟اي بحبو

اكتر واحد بتبحو بين اخوانك ؟؟حسن و غدير

اكتر شخص بتفتقدو ؟؟حسن

كلمة بتحكيها للوالده و الوالد ؟؟؟الله يخليلي ياهن و يديمهن فوق راسي مدى العمر و ان شاء اللع ما بخيلبهن املهن و برفع راسهن فيي يا رب

اكتر شي بتكرهو بالحياة ؟؟؟الفشل

اكتر يوم بتكرهو بالاسبو و السبب ؟؟الاربعاء لانو عندي فيه محاضرو عملي بمادة الانسجة

كيف عرفة اخويه ؟؟عن طريق الصدفة كنت عم دور على شغلة بغوغل

امتى اول مره دخنت ؟؟؟كنت صف تاسع يعني من شي 7سنين

امتى اول مره حششت ؟؟من سنة

شو اعملك ابوك لما عرف انك عم دخن ؟؟دقني قتلة نصها موت

شو الموقف يلي عملتو و لليوم بتندم انك عملتو ؟؟اني اندم ندم كبير كتير ما في هيك موقف بس يعني اذا قصدك اذا بتحسر على اشياء اي هي كتير بتصير معي بس دائما بواسي حالي و بقول خيرها بغيرها و (عسى ان تكرهوا شيئا يكن خيرا لكم)صدق الله العظيم

امتى اول مره حبيت ؟؟من سنة

شو رايك بمقولة : ان الحب الأول ليس هوى الحب الاكبر؟؟بصراحة لسى ما حبيت غير مرة وحدة فلذلك مافيني قارنو بالحب التاني لحتى اعرف مين اكبر واقوى من التاني بس بتوقع انو التاني لانو ساعتها الواحد بيتلافى الاخطاء و المشاكل اللي صارت معو من قبل و مشان هيك بتوقع او يكون افضل و اريح من الحب الاولاني

مين بتحب اكتر اهل امك ولا اهل ابوك ؟؟اهل ابي بس باستثناء خالي اللي بعتبروا متل ابي

شو الشي يلي حابب تحصل عليه ب لهلا ماحسنة ؟؟ وشو السبب؟سيارة والسبب مادي

شو رايك بهل بلدان

ســــــــــــــوريا
بلدي وبفديه بروحي
فلسطين
الله يعين اهلو و يحللو مشاكلو مشان يرتاح و يريح
العراق
عالم فايتة بالحيط و نازلة الدبح ببعضها
الاردن
بعرف عالم من الاردن معرفة شخصية و بصراحة اعطوني وجهتين نظر عن اهل الاردن الاولى اللي هي انهم شباب طيبين و بتحسن روحهن متل روح الشباب السوري و التانية اللي هي النظرة اللي بتعبر عن الاشخاص الملتزمين بالدين و المتشددين له وهاد النوع اللي انا ما بحبو ف يعني بشكل عام احلى تحية لاهل الاردن كلهن بقلب بعضهن
تركيا
بلد حلو كتير و بتمنى انو زورو يوما ما
لبنان
بدون المقاومة و السيد حسن نصر الله بحسهن ماسكين الحرية من دنبها وما بيعرفوا غير العياط بدون جدوى و همهن الاول و الاخير برامج الرقص والغني وما بعرف شو و العالم عم تموت حواليهن
اخر خناقه علمتها و هل ظربة او نظربت فيها و الخسائر شو كان ؟
اخر خناقة يا صاحبي كانت هون ببولونيا و بصراحة ضربت و انضربت بس فشروا البولون يطلعلن معنا العرب و حياتك اكلو قتل وفرقوا و الخسائر اللي كانت انو يا صاحبي كلياتنا انضربنا لانو ولاد الحرام كانو عم يرجمونا بالحجار ونحنا ما كان عنا حجار(لانو هنن كانو واقفين ع سكة الترام)
اكتر شي بتحبو بوسيم ؟بيجوز لون عيوني لانو اختي الكبيرة بتحبو و هو على لون عيون ابي(عسلي)

اكتر شي بتكرهو بوسيم ؟الوزن القليل(64-65 كيلو بس)

سؤال غبي : برأيك فرنسا كانت بتستاهل تفوز بكاس العالم 98 ؟؟ "بكره فرنسا لهيك سالتك ياه لووول "
اي برايي بتستاهل الفوز لانو لعبهن كان حلو وانا شخصيا بموت برب زيدان و بعتبروا افضل لاعب كرة قدم شفتو بحياتو و ما بلاقي انو مارادونا افضل منو بكتير مع العلم انو مارادونا برأيي الشخصي كان لاعب اناني
شو رايك بمقوله نحكت بسنة ال 82 : " البرزيل فريق الاحلام ؟؟ما بذكر هالفريق شيت لسى ما كنت خلقان
و
يا هل ترى البرزيل من خسرت كأس العالم ، ام كأس العالم من خسر البرزيل في كاس العالم 1982 ؟؟
ما كنت موجود على وجه البسيطة وقتها
شو أحلا شغلتي بالبنت
ليك اذا البنت حلوة بنظرك معناها انو كل شي فيها حلو و ما رح تحسن تقول انو حلوة بس لولا هال..ولولا هال...خلص يا اما حلوة بشكل عام او مانها حلوة و بس
شو رأيك بالتكنولوجيا ؟؟
ابوس ربها ما احلاها و بستغرب كيف العالم كانت عايشة بلاها
شو رايك بمعارة الاداره انو نفتح قسم حربي ؟؟ "قالو عم نشجع على الدمار "
انا اؤيدك ولو كنت انا المسؤول كنت فتحت هيك قسم عالسريع و بدون مناقشة مع اي شخص
شو نمرة رجلك لوووول ؟
44
اكتر 5 الوان بتحبهم ؟
يعني ليش مو لون واحد متل الكل ما سألو
يا سيدي الاسود و الابيض والرمادي و البرتقالي و العسلي
شلون بتشوف وسيم بعد 5 سنين و 10 سنين و 30 سنه ؟
بعد 5 سنين بيكون وسيم ان شاء الله فرخ دكتور وعلى ابواب تخرج
بعد 10 سنين اذا الله راد و خلانا طيبين بيكون وسيم طبيب متخرج و مختص و عم يشتغل و عين الله عليه و على الاغلب يكون متجوز
بعد 30 سنة اي اعطيني عمر لهداك اليوم
شو الشي يلي دائما بتحاول تغير او تخفي بحالك بس ما بتحسن ؟
طيبة قلبي
لخصلي هل كلمات بفقره

سوريا

حمص

الشام
ان الشعب العربي الحر الابي في الولايات المتحدة الحمصية يعلن ان اي اعتداء على دولة سورية الشقيقة بعاصمتها الابية الشام هو اعتداء على حمص مهما كان نوع الاعتداء و سنقف يدا بيد و جنبا الى جنب في صد هذا العدوان(بس دير بالك الحماصنة بيتركو كل شي و بيعطلوا يوم الاربعاء)
---------------

برجع بكرا بكمل اش لاني تعبان و نعسان هلق تصبحوا على خير يا جماعة