[was616im]

صويت بيبي (خطيبة وائل )رجعتلك مشان كمل اسئلتك
.اذا فشلت بتحقيق حلمك شو رح تكون ردت فعلك؟الانعزال عن الماضي بكل ما فيه و الرحيل الى مكان اخر من هذا العالم و البدء من جديد
وشو هي اكتر مادة بتكرها و كمان ليش؟مادة الانسجة(HISTOLOGY( يبحان الله بدرس هالمادة ليل نهار و ما بيفوت لمخي شي منها الا القليل شيت ما فيها شي ينفهم يعني كلو حفظ بصم مشان هيك ما بحبها وما بستوعبها نهائيا و قد ما درست فيها بنسى منها كتييييييييير
هل بتامن بالابراج ؟ و علل جوابك نعم اؤمن و انا من مواليد برج العذراءاما ليش فهدا يعود ممكن لاسباب ما بعرفهاالمهم اني اؤمن وخلص
هل بتامن بالقدر؟ علل جوابك اي اؤمن بالقدر لاني اؤمن بالله العي العظيم ومن امن بالله امن بقضاءه و قدره
هل بتامن بالسحر و المشعوذين؟ علل جوابك لا والف لا لانو كلو شغل خدع بصرية و ضحك عاللحى
عرفلي البيروقراطية والديكتاتورية الله يخليكي خليني بعيد عن السياسة اساسا ما بحبها وما بفهم فيها كتير
شو اكتر شي بيعصبك؟الغباء
شو اكتر شي بيفرحك؟ضحكة اخواتي الصغار
شو رايك بقضية الشرق الاوسط؟قلتلك خليني بعيد عن السياسة لو سمحتي
شلون تعرفت على أخوية ..؟متل ما قلت ليمان كنت بالصدفة عم دور ع شغلة ب غوغل و صدفة تعرفت عليكن و حبيتكن وما عدت حليت عنكن
شو هدفك بالحياة ...؟اني صير طبيب ناجح و ساعد اهلي
مين أكتر أعضاء بتقارلون بالأخوية ..شو يعني بتقارلون؟؟
كم اخ و اخت عندك؟عندي اربع اخوات شباب و خمس اخوات بنات
مين من اخواتك هوي المفضل عندك وليش؟اخي اللي قبل اخر واحد اسمو حسن و بحبو موووووت لانو انا اللي ربيتو و اهتميت فيه و كأنو ابني و صديقي و حبيبي و نصي التاني بهالحياة وانا فخور فيه كتييييير كتييييير و في اخي الكبر و هو مقعد و كنت انا بسورية من حبي الو اهتم فيه اكتر ي و قوم بخدمتو على وجه شبه اكمل بس هلق للاسف انا ماني بسورية بس في عندو اخي الاكبر مني ب 3 سنين و الوالد الله يخليلكن اهاليكن كمان موجود والحمد لله
شو هوي فيلمك المفضل وليش؟قلتلكن حصان طروادة(TROY)لانو رائع بكل معنى الكلمة
شو هي اغنيتك المفضلة وليش؟سبقت وقلت انو بيطلعوا شي 15 او 20 اغنية و كل وحدة منهن الها معزة خاصة بقلبي لسبب معين يا اما الها ذكرى ما بنساها بحياتي او بتذكرني بشخص عزيز على قلبي كتيييير
مين مطربك المفضل وليش؟كاظم الساهر لانو قيصر الاغنية بكل معنى الكلمة و شي طبيعي كمان اب وديع سلطان الطرب
مين ممثلك المفضل وليش؟سلوم حداد و بسام كوسا عندي ياهن بنفس المرتبة اما ليش ف طبعا واضح للكل مهارتن بالتمثيل و ابداعن و ما بدها الشغلة مناقشة
شو اكتر شي بتحبو بالحياة وليش؟البنات بصراحة شديدة النسوان و الدخان
شو امنيتك بالحياة؟الاقي نصي الحلو
شو ناوي تدرس؟شحني عم اتبهدل و ادرس طب بشري
شو أكتر معادلة كيمياء حفظتها بحياتك؟NAOH+HCL = NACL + H2O
شو أحلى قصيدة مرقت معك؟ما بتذكرها كتير بس مرت معي بالاعدادي و كان مطلعها ان العيون التي في طرفها حور قتلننا ثم لم يحيين قتلانا
شو درس العلوم المفضل يلي حفظتو؟الهيكل العظمي تبع الانسان(لانو اسهل من غيرو بكتييييييييير)
شو حدود سوريا الجغرافية؟فيكي تحسبيها متل ما طلعت نكتة عالموبايلات بسورية انو حدودها من الغرب هنن اللاذقية و طرطوسطبعا البحر الابيض المتوسط و لبنان و فلسطين الاردن و العراقو تركيا
شو طبيعة لبسك : سبور -فنكي -رسمي ؟مشكل بينهن كلياتهن
شو اكتر موقف محرج صار معك؟بما اني ذكرت ليمان واحد رح اذكرلك واحد تاني كمان انحرجت فيه كتييييير
هاد يا ستي بصف الحادي عشر كان في درس بالهندسة الفراغية اسمو نظرية الاعمدة الثلاث اي و كان الاستاذ تبعنا حبااااااب كتيييير و كنا صحبة معو يعني خوش بوش و ابنو الحمار كان معنا بالشعبة المهم بلا طول سيرة كان الاستاذ عم يكتب نص النظرية عاللوح بس كان عم يغير فيه شوية عن اللي مكتوب بالكتاب(يعني ما عم يكتبو حرفيا متل الكتاب)قمت انا بكل روح مرحة عم حكي رفيقي اللي قاعد جنبي و ماني منتبه على حالي اني عم احكي بصوت عالي و قلت يلعن ربو غير الكتاب و فجأة اندار عليي الاستاذ و زورني هديك الزورةبشرفي خجلت خجل مو طبيعي و سالني شو قلت وسيمو شو؟؟اي ما عرفت كيف لملمت لساني و قلتلو لا ما في شي استاذ بس عم قول انو النص متغير شوية عن اللي بالكتاب قام ابتسم بوجهي ابتسامة ابوية و رحومة و رائعة(الله يذكرو بالخير لهالاستاذ)و قللي اي مو مشكلة ما بيأثر
بتعتبر حالك ن الناس ياللي بيحكو كتير؟يعني ليكي اذا بدك الصراحة: اللي بيعرفوني عن قريب كتير هنن قلال و اكيد بيحبوني و بتوقع انو نوعا ما كتير يعني قصدي انو هيك يعني اي عرفتي شلون
شو اكتر اسم بتحب للشب وللبنت؟زين و ليليان و ريما
مين قضوتك بالحياة ؟خالي الله يوجهلو الخير و يديمو ع راسي من فوق مدى الحياة يا رب
شو رأيك بالطفولة و الولاد ؟اروع شي بالحياة شيت انا بموت بالاطفال لانهن بيذكروني باخي و حبيبي حسن
مين أعز شخص على قلبك و ليش ؟قلتلك اخي حسن لاني ربيتو بايدي و بعتبرو كابن و اخ و صديق و كل شي يعني
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟برمي حالي و بساعد التنين ما بدها الشغلة تفكير
شو حكمتك بالحياة؟اعقلها و توكل
شو أحلا أيام حياتك؟لما رجعت على سورية بعد اول سنة غربة و التقيت باهلي كلهن هاد كان من احلى ايام حياتي
شو الحياه بالنسبه إليك؟ما فيني اكتبلك ياها ببضعة سطور يعني....بس بقللك انو الحياة حلوة ولازم نعرف كيف نعيشها بدون ما مكسب اعداء بالعكس لازم نحاول نربي اكبر قدر من الاحباب و الاصدقاء الحقيقيين
شو بنظرك دموع الفرح أم بسمة الفرح؟التنتين صادقين كتييييير و مستحيل يتخبوا
شوالشي الذي تتمنى أن يرجع؟بتمنى انو يرجع الزمن لورا شي كم شهر مشان صلح الاخطاء اللي صارت بيني و بين حبيبتي(مارغريتا)هاد طبعا لانو تقريبا نسيتها بس لسى ما لقيت البنت اللي تعوضني عنها و تحل محلها فلذلك هيك عم اتمنى ولو اني لقيت ف ما كنت بتمنى انو يرجع الزمن مشانها لحالها كنت بتمناه برجع لشغلات تانية متل اني ارجع عيش لحطات سعيدة بعمري مرة تانية
مين أعز إنسان لقلبك؟قلتلك انو اخي حسن بدون منازع(طبعا ما عم احكي على ابي و امي) و بنفس المرتبة اخي المقعد
موقف صار لك ولا تقدر تنساه؟ااااااااااخ لما تأمروا عليي انسة اللغة البولونية و مدير معهد اللغة مشان ما يسمحولي فوت عالامتحان لانو الانسة كانت متخوزقة مني لاني عربي و كنت شاطر بالصف وهيي بتكره رب العرب
شو أفضل لديك بمراحل النمو هل هو الطفوله ام المراهقه ام الشباب أم الشيب؟الشباب لانو هو نوعا ما مرحلة النضوج الفكري وهو مرحلة العطاء و الابداع و العمل و القدرة عالاستمتاع بالاوقات السعيدة وهيك حركات اكتر من غير مرحلة بكتيييير
زيت المقلاية عم يحرقك شي؟لا لسى ما حمت النار


ازا اضطريت انو تختار بين تتين من رفقاتك شو بتعمل ما فهت عليكي شو قصدك؟؟يعني لازم اعملهن شي اختبار لحتى نقيهن ولا قصدك مين بنقي منهم؟؟




الاجوبة لازم تكون مختصرة بمالايقل عن ست اسطر