[was616im]

كاتب النص الأصلي : Syrian Gay

وسومة .. بعد ما قشطنا اللزقة اللي لزقت عل المقلاية ..بس يمكن الغلط مننا لأن حرقناها كتير

بدي تقوللي شو وجهة نظرك عن هل الامور .. بس مو بأختصار كتير هاه

يحرق حريشك منين جايب هالاسئلو ولو


الأعمى
اذا قصدك ع اعمى القلب ف يا صاحبي بدعيلو الله يفتحلوا ياه
واذا قصدك ع اعمى البصر ف بدعيلوا يضل اعمى احسن ما يفتح و يشوف هالدنيا السودا فخليه بعالمو مرتاح من هالهموم و المشاكل كلها اريحلو
الاحتباس الحراري
ليكونو قالولك عني بشتغل بعد الضهر اينشتاين انا وماني دريان حجي
يا سيدي على كل الله يجازي اللي كان السبب
الاضطهاد
بيولد الانفجار و نتائجو دائما كارثية
باميلا اندرسون
كشخصية ما بعرف عنها شي بس كجسم بعرف انو كانت شي خيلة و سيكسي كتيـــــــــــر
علم الاحصاء
بيضل اسهل من العوم الطبيعية و الطب
الحمار
انا معجب بقوتو و صبروا بصراحة شديدة
المشرفة إمرأة من ورق
امرأة من دهب وليش من ورق
سوريا
حبي اليوم و بكرا وبعدو و على طول و اجمل بلد بالعالم(بس مو على طول و مو دائما بتكون اجمل بلد و رجاء انو ما تتفسر اجابتي تفسيرات سياسية ذات ابعاد مالها طعمة)
النوم
من روائع الحياة و بموووووت بالنوم بس ما بحب نام بالليل
الجيش الاحتياطي
مستغرب اسمو قبل وظيفتو يعني ليش عاملينو ما بعرف
تعارف الانترنت
ظريف و حلو انا شخصيا عندي كتير اصدقاء تعرفت عليهن عن طريق النت عرب و بولون و منهن التقيت معهن و عندي علاقات طيبة معهن
عمليات الليزر للعيون
شي ممتاز و تقنية حديثة وانا شخصيا حابب صير طبيب عيون متل معلمنا و تاج راسنااو جراح تجميلي
فلم 300
اذا قصدك عالفلم من ناحية الاخراج و هالحركات فهو شي فخم و رائع و القصة رائعة و بصراحة من روائع الافلام اللي شفتها (كأخراج و تمثيل و هيك حركات)
اما اذا قصدك كقصة فيا صاحبي القصة رائعة كمان بس في مبالغة كبيرة بالموضوع يعني من ناحية تضخيم جيش الفرس و التعظيم فيه و بكسرى الفرس و الجنود الخياليين تبعوتو و بعدين بيجيك الابطال من اسبارطة بعددهن القليل بيهزمو كل هدول......يعني يتم تعظيم العدو بشكل كبير جدا لاظهار عظمة الانتصار
بس بصراحة عجبتني كتيييييير شغلة الدفاع عن الوطن و الكرامة و التضحية بكل شيء كرمالهن
الاحمر
كلون هو حلو و الو معاني كتييير بس انا شخصيا مو كتير صحبة انا وياه يعني ما بحب البسوا لانو ما بيلبقلي بس عم اكتب فيه هون مشان تمييز السؤال عن الاجابة
الجافا
شو هاد؟؟؟؟ليكون قصدك تيع برامج التشات و هيك حركات؟؟
قسم السقيفة
شي حلو بصراحة اكتر قسم بلاقي فيه انو الواحد بيحسن ياخد راحتو بالحكي بدون ما حدا يزعل من التاني
الكلب (حيواني المفضل)
بينحب بس المشكلة فيه ريحتو يا اخي بتخليني ما احسن ربيه عندي بالبيت مع اني بتمنى كتير و خصوصا من نوع الهاسكي (هاد تبع الاسكيمو)
الإعدام
انا مع الاعدام اذا استوفى الشروط اللي حددها الاسلام
بعدين الموت حق على كل انسان فاذا الله اللي خلقنا و اعطانا الروح و الحياة سمح انو ننهي حياة بني ادم بهالشروط فما عندي مشكلة بس مستحيل اني اقتل بني ادم بايدي الا في حالة الدفاع عن النفس وبس
الكريمة (يللي بينحط عل الكاتو)
يحرق سماها ما اطيبها بس يا اخي التعن سما سناني من انا و زغير ع قد ما كنت اكل حلويات
علاقات جنسية عابرة
حلوة
الشعر الجاعد
هلق ليك:اذا بيلبق للبنت ف بيكون حلو اما بشكل عام بحب الشعر الاسود السبل الطويل
الجاذبية الأرضية
سمعت انت بنكتة قانون نيوتن الرابع ولا لسى؟؟اذا لاء ببعتلك ياها رسالة عالخاص لانو هون عيب
السجون الخمس نجوم
للي بيستاهل الله لا يردو
السيطرة
اي نوع من السيطرة قصدك؟؟
بكاء الفرح
اصدق دموع
انت
رايي بحالي صعب كتير اني اوصفلك ياه لاني بصراحة ......يعني كيف بدي قللك ياها....اي والله صعبة خيو....سالني عن شي محدد بيكون اسهلي من العموميات
انــا
ع هوى ما بقراه باخوية فانت شب محترم و حباب بغض النظر عن ميولك الشخصية و بتستاهل الاحترام بكل معنى الكلمة

خلصو الاسئلة ..

ميت اهلين وسهلين واذا بدك لسى انا جاهز