[dandon]

أش شكرا كتير على هالموضوع..ياجماعة أنا اليوم آش دلني على هالمكان للمغتربين..هي أول مرة بفوت عليه...و المقدمة بكتني أي والله..رح عرف بنفسي..أول الشي أنا بنت عمري 18 سنة شامية طلعت من الشام متل ما الياسمين بيطلع من الشام وقت كان عمري 13 سنة و أجيت على كندا..بلد المئت و الملل و اقسى الشي الوحدة..أنا صرلي متغربة 4 سنين و هي الخامسة..أصعب الشي أنو أنا كل الناس يلي بحبون بالشام..رفقاتي و عيلتي...و أنا كل يوم بفيق و بقول وبعدين بهالعيشة..لك أنا بيمرق عليي أشهر مابحاكي حدا غير امي و ابي و اخواتي..أنا بحبون كتير أكيد و عسلامتون...بس الواحد بيضل بينقصو شي..بحس أنو روحت احلى سنين عمري بالغربة..تمنيت فوت مدرسة متل رفقاتي بالشام أنو نشاغب و نتغالظ على الآنسات و نضحك و عيش مراهقتي متل كل هالبنات..بس هيك حظي و نصيبي..حتى ما بقدر أنزل كل سنة على الشام..كل سنتين..بكون استويت على الخالص..بس شو بدي اعمل..هيك نصيبيادعولي يا ناس