حبيبنا وعليكم السلام ورحمة الله وبركاته
أنا بحترم رأيك لكن ما بوافقك عليه, فياريت تقبل مروري بسعة صدر, واسمحلي اقتبس من موضوعك خطوة ورا خطوة
اقتباس:
كاتب النص الأصلي : الليرة معي
بعد السلام عليكم
والصلاة على اخر الانبياء والمرسلين محمد صلى الله عليه وسلم
|
طيب شو مشان يللي سبقوه؟
مو الصلاة والسلام عليهن؟
اقتباس:
كاتب النص الأصلي : الليرة معي
سوريا العرب هل هي تحالف سوريا مع الفرس ؟؟
|
شو مشان وينن العرب؟
يللي اتهموا المقاومة بلبنان انها عم تغامر
يللي ما فتحوا تمهن لما صارت الغارة على شمال سوريا
اقتباس:
كاتب النص الأصلي : الليرة معي
سوريا العرب هل هي احداث المشاكل والفتن في لبنان ؟؟
|
شو مشان أميركا واسرائيل؟
لو بتقرأ الأخبار بتلاقي انه كل الفتن بلبنان -كلها ها- سببها أميركا واسرائيل متمثلين بالسفير الأميركي المعلن وسفراء اسرائيل الغير معلنين
اقتباس:
كاتب النص الأصلي : الليرة معي
سوريا العرب هل هي اثارة الفتن والمشاكل بين الدول العربيه ؟؟
|
شو مشان؟
من وين جبتها هي؟
اقتباس:
كاتب النص الأصلي : الليرة معي
سوريا العرب هل هي من تستقبل اشقاءه العرب في دمشق وتمارس اسلوب النصب والغدر بهم ؟؟
|
شو مشان نحنا الشعب يللي مخروب بيتنا من الأشقاء العرب؟
وكلّه كرمال التضامن العربي
اقتباس:
كاتب النص الأصلي : الليرة معي
سوريا العرب هل هي فقط في الخطابات السياسيه الركيكيه والمبهمه ؟؟
|
شو مشان ركيكة ومبهمة؟
شو دارس حضرتك لحتّى ما عم تفهم هالخطابات؟
هلأ اسمحلي مشان القسم التاني من أطروحتك:
اقتباس:
كاتب النص الأصلي : الليرة معي
سوريا الصمود هل هي التي العدو الصهيوني يطير في اجواها مرتاح البال ؟؟
|
معطوف على شو مشان من فوق: شو مشان دول عربيّة عندها ترسانات حربية طويلة عريضة وعم ياكلها الصدأ وما حدا منهم مد إيديه وساعدنا بكم طيّارة؟
حاكيلنا ياهن إذا بتقدر وشوف جوابهن يللي بيصدم: نحنا ما عنا النيّة انه نحارب
طيب ليش هالتسلح؟
لأنه النفط غلي سعره, وحلفائنا عم يخسروا, فمنجبر بخاطرهن ومنرجعلهن فرق ارتفاع سعر النفط بشراء أسلحة.
اقتباس:
كاتب النص الأصلي : الليرة معي
سوريا الصمود تمتلك اسلحه بامكانه تحرير الجوالان للماذا لم تحرره ؟؟
|
شو مشان التناقض؟
وإذا كان عنا هالأسلحة مو كمان لازم ننطر الوقت المناسب لشن الحرب؟
مو لنفهم آخرتها مع الإخوة الأعداء يللي عم يشتغلوا ضد سوريا؟
اقتباس:
كاتب النص الأصلي : الليرة معي
سوريا الصمود عندما حلقت الطائرات فوق قصر بشار الاسد لماذا لم ترد عليه بالمثل ؟؟
|
شو مشان يمكن اسرائيل عم تعمل هالحركات مشان تغطّي فشلها المخابراتي أو مشان يزيد أولمرت أو غيره شعبية حكومته؟
وشو مشان يمكن نحنا عم نتسلح وتاركين هالسلاح ليوم الحرب مشان المفاجئة؟
يعني ضروري النظام يشرح لكل واحد شو هيّ خططه؟
والله ما صارت هالقصة بولا دولة
اقتباس:
كاتب النص الأصلي : الليرة معي
سوريا الصمود ماعندها الا مبدا ((لنا حق الرد بالمثل ))
|
هالمرّة وعلى سبيل التغيير مافي شو مشان
وشو عرّفك أو عرّفني انه هالحق -تبع الرد بالمثل أو الرد بالزمان والمكان المناسبين- ما عمل بلبلة بجيش العدو, وخلاّ الإستنفار لدينه عندهن؟
أرجوك تراجع موضوع: سوريا قادرة على إطلاق 1000 صاروخ يوميّاً
وشكراً لحضرتك وتحيّاتك مقبولة
بس أنا حاسس انك مضيّع الليرة