[nanoosh rose]

اول الشي سلام للكل
صارلي زمان مانزلت موضوع للنقاش
فالموضوع هو من فترة واحد من الاعضاء قال عني اني شخص متلي ما بيعرف شو يعني حب
انا وقتها ماعلقت بس خطر ببالي ممكن حدى يفهمني شو يعني الحب لاني حاسة حالي فعلا مابعرف
وممكن يفهمني شو علاقة الحب بالزواج...؟
ومين قال انو كل حب لازم ينتهي بالزواج ..ظ
هلق انا ح احكي وجهة نظري وكيف بشوف الحب وشو بيعني الزواج
طبعا اول شي الحب من وجهة نظري
انا بشوف الحب هو ارقى شي بيملكوا الانسان (وطبعا ما بعرف كيف قدر يجردني من هاد الشعور )شي بخلينا نعيش بالدنيا رغم هل المصايب يلي بنشوفها ورغم غدر الناس ورغم الظلم ورغم كل شي بشع بنشوفوا وبناخد من البشر
والحب هو شعور الله خلقوا فينا مو ضروري يكون هاد الشعورلمجرد بنت لشب او العكس وهو انك تشعر انو الشخص يلي بتحبوا هو متل حالك يعني يلي بضرك بضروا ويلي بتحبوا بحبوا وتخاف عليه من الشي يلي بتخاف على حالك منوا ويمكن شغلات كتير صعب نكتبها لان التعبير عنها بالوقت بس بنحب كل شي بالشخص التاني لمجرد هو وبس مو لانه شو بحسن يساوي او شو عم يفيدنا او شكلوا حلوا او معوا مصاري او..او..
لاء لانه نحن حبينا روحوا مجردة عن الماديات
لانه بنحب اهلنا وبنحب اصدقائنا وبنحب اخواتنا وبنحب اولادنا وبنحب جيرانا وبنحب ناس علمونا وهاد كلوا اسموا حب
تاني شي الزواج
هلق مافي فرق اذا كان الحب قبل او بعد الزواج لانه بالنهاية الله خالق لكل رجال امرأة من ضلعوا يعني اذا لف الدنيا وحب كل نساء الارض ما بياخد الانصيبوا وطبعا العكس بالنسبة للمرأة وهاد شي مفروغ منوا
ولانه شو يعني زواج هو اندماج شخصين بشخصية وحدة يعني صار ألهم كرامة وحدة سر واحد خوف واحد هدف واحد ولاد عيلة وحدة يعني الحب صار شي مفروغ منوا عيب يسألها او تسألوا انك بتحبني بس كتير حلوا يضل يذكرها او تذكروا انها بتحبوا لانه حدى بسأل حالوا ياترى بتحبيني لان بالنهايه صارت حالوا يعني بتحب كل شي فيه
هلق اكيد مو بالضرورة كل حب ينتهي بالزواج (لانه مو معقول تتزوج امك او اختك او صديقك وبالنهاية هاد اسموا كمان حب )
بس شي اساسي ان كل زواج يكون فيهحب
هلق هاد مجرد وجهة نظر انا هيك بشوف فوالله ما بعرف ياترى وجهتي صح او خطأ ممكن اي حدى ملاقي كلامي غلط يحط وجهة نظروا بالنهاية الحياة كلها وجهات نظر
وبالنهاية سلام وخاصة للعضوا يلي قال ان ليش وحدة متلي بتعرف تحب ....؟