[DRIV3R]

أول الشي تحية قلبية لكل الرفاق بهالمنتدى
و تحية خاصة لسيريان غاي على صراحتك و جرأتك
هلأ عندي سؤالين لألكن يا احباب الأول انو سيريان انت حطيت كل موضوع احلى من التاني بيشرح هالمشكلة و بيفصل كل جوانبها لهون حلو طيب ليش عم تزعج حالك و ترد على الناس يعني قد ما حكيت مارح تلاقي استجابة لانو لاحياة لمن تنادي يعني هلا بحكيك من عقلي بدون الدين بقللك انتو موجودين و لازم نعترف فيكن و بمشكلتكن لانها فعلا مشكلة تصور انو نحن اعترفنا فيكن كصنف بشري كامل و لنفترض يعني اكيد اي طفل بدو يربى بين أبوين ذكور اول مارح يروح عالروضة و يبدا يفكر رح ينصدم بالواقع المرير اللي هو رفض الآخر و رح ينكبت و ينطوي على ذاتو و متل ما بتعرف الطفولة أساس للمستقبل وطنيا و دينيا و اجتماعيا وووو يعني تصور طفل متبنيه انت يوقف بالصف يسالو الأستاذ شو أسم البابا يقلو بسام و شو أسم الماما يقلو احمد أي 90% من شعبك رح ينفجر بالضحك عليه يعني قبل ما نخوض هيك موضوع لازم تعيد تثقيف هالشعب لانو شعب بيمسك الدين من دنبوا الدين ما قطع راس حدا و لا منع حدا الدين قللك في ضوابط قللك في ضرورات و انا برأيي انو كل ما كتمنا المشكلة كل ما رح يكون إنفجارها اعنف و أقوى انا معك سيريان و أحيي نضالك انت عم تناضل في سبيل قضيتك و انا بدوري ما بقلك انو انا مع انو نعترف بالمثليين تماما تماما انا مع الأعتراف بالمشكلة ووضع حلول لالها لانها مشكلة جدية و بعمرها مانحلت مشكلة من ورا رأي جامد و نقاش عقيم و بنفس الوقت إذا انا ما اعترفت فيك و احترمت رأيك بهالموضوع المهم حياتيا إلك بكون عم ارفض وجودك كأنسان و الأهم عم ألغي وجودي كانسان و مارح دخل الدين بالنقاش لأنو شايف كل ما دخل الدين بالموضوع بتلاقيها قتاله إلا إذا حبيتني خوض معك بالدين بس بدون حساسية

سوري كتير عالإطالة بس ما قدرت اكتب لأقرأ كل مواضيعك و رودك سيريان مشان أستوعب نمطك بالتفكير بشكل كامل