[نيقولا]

أخ أبو مريم ؟ شو هالرد ما انتظرتو منك : هلق صاروا المسيحيين بنظرك جبناء وهربوا من العراق منشان ما يموتوا ..
أولا الهروب من الموت مو عيب وهيدا حق وكل واحد بيدافع عن حالو وبيتجنب الموت . واذا بدك تقلي لأ راح قلك بدل ما تحكي حكي بلا ما تفهم معناه خليك بطل وشجاع واقتدي بالصحابة والقادة المسلمين المحاربين .. عفواً الفاتحين .. وروح عاعراق واستشهد أنت وعم تحارب أميركا في سبيل الله . شو ؟ مو هيك بتروح عالجنة فوراً وبتذكرة مباشرة يعني لا يوم حساب ولا رياضيات ؟
بس وينك لا تجي على سوريا حتى تفوت عالعراق .. ترى شباب المكتب التاني عنا ( المخابرات ) مشهود ألهن بالعالم ما بيمرق من تحت أيدهن الهوا . والله بيكمشوك وبدل ما تروح عالجنة بيسفروك مجاناً على غوانتانامو
وبتروح عليك الجنة !! ما منرضالك ياها
بقا دبر حالك من غير طريق شوف السعودية تفتحلك حدودها مع العراق على أساس هيي أم المجاهدين؟ والله أنا شايف أنو حدودها مع العراق أكتر حدود مأمونة - حسب الأميركان الضالين - لأنو متل ما عم أسمع بالأخبار أنو كل السعوديين عم يروحوا على سوريا منسان يدخلوا العراق للجهاد . بس الشباب عنا عم يكمشوهن وكل ما عبوا طيارة بيبعتوها عالسعودية . ومعلومك الشباب عنا بيموتوا بالأخوة المجاهدين وبيحبوهن كتيركتير والله . يعني بس تقول لواحد مخابرات بسوريا ليك هونيك في مجاهد بيقلك وينو يا حبيب ؟
ومن كتر ما حبوهن بزمانهن بالتمانينات بعتوهن بالجملة عالجنة . يمكن بتسمع فيها , والله يجزيهن الخير والله . :P
بقا معليش نحنا هربانين وأنتو عم تدافعوا عن الأرض والعرض
نحنا جبناء وأنتو اللي حماة الشرف العربي
نحنا قطاط وأنتو ...أسود
نحنا ما منروح عالجنة .. بس أنتو بتروحوا بكل العالم عالجنة .. ما عدا ببلد واحد بيروحوا أمثالكن فيه عالحبس عرفتوا ولا قلك شو اسمو ؟