شكراً وليد على هالموضوع الهام جداً . حطيت أيدك عالجرح والله . يعني بنت الناصرة حكيت كتير من اللي بدي أحكيه . وما بدي عيد بس بقول أنو هجرة المسيحيين تندرج برأيي تحت بابين :
- باب هجرة مسيحية من ضيق أصابها على أيدي أنظمة متطرفة علناً ( السودان مثلاً ) أو متسترة بثياب العلمانية محاباةً للغرب واسترضاء له ( كمصر ). والضيق هو معاملتهم معاملة مواطنين درجة ثانية وما دون في الوظائف والعمل والحياة وحرية ممارسة عبادتهم وطقوسهم ...
- باب هجرة بدافع اقتصادي , وهنا ما بسميها هجرة مسيحية بل هجرة المواطنين بسبب الواقع الأقتصادي والسياسي المتردي في سائر الدول العربية , وهالهجرة مستركة للكل مسيحيين ومسلمين .
بس رجاء لكل اللي بالغربة يوقفوا مع حالهن ويرجعوا لما بيسمح الوضع أنهن يرجعوا لبلدهن ,لأنو الغربة بيجوز تقدملهن كل لوازم الحياة الكريمة . بس ما بتقدملهن الحياة الحقيقية . فشو نفع التعب للحياة إذا خسرنا الحياة نفسها ؟؟؟
الحمدلله أنو بسوريا ما في مسيحي هاجر أو بيهاجر لأنو مسيحي .بسوريا الكل عايش ومتمتع بكل حقوقو كمواطن من كل النواحي . ومن الناحية الدينية سوريا البلد العربي الأول بهالشي انو كل واحد آخد كل حريتو الدينية على أكمل وجه . شهادة حق لازم قولها منشان اللي بغير دول عربية يعرفوا .
دمشق عاصمة روحية مسيحية ومقر كبرى البطريركيات بالشرق .الله يحميها ويديم عزها
شكرا كمان وليد
